Старый стиль
12 августа
ВОСКРЕСЕНЬЕ
Новый стиль
25 августа
Неделя 9-я по Пятидесятнице
Успенский пост
Попразднство Преображения Господня;
Тропарь, глас 7
Преобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́,/ я́коже можа́ху,/ да возсия́ет и нам, гре́шным,/ свет Твой присносу́щный/ моли́твами Богоро́дицы,// Светода́вче, сла́ва Тебе́.
Кондак, глас 7
На горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Бо́же, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рове же пропове́дят,// я́ко Ты еси́ вои́стину О́тчее сия́ние.
Мчч. Фо́тия и Аники́ты и многих с ними (305–306).
Тропарь, глас 4
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости./ Тех моли́твами// спаси́ ду́ши на́ша.
Кондак, глас 2
Боже́ственныя, ве́рнии, и хра́брыя/ ублажи́м супру́ги Христо́вы сла́вныя,/ и похва́лим, я́ко тве́рдыя пропове́дники благоче́стию/ и су́ща рачи́тели, Фо́тия и Аники́ту,// и пе́сньми и хвала́ми венча́ем.
Сщмч. Алекса́ндра, епископа Команского (III);
мчч. Памфи́ла и Капито́на;
Собор Валаамских святых (переходящее празднование в 1-е воскресенье после 19 августа);
Собор Кузбасских святых (переходящее празднование в воскресенье перед 31 августа).
Тропарь, глас 4
Днесь ра́достно лику́ет земля́ Ке́меровская,/ прославля́ющи новому́ченики, испове́дники, преподо́бныя и пра́ведныя своя́,/ доброде́тельми Бо́гу послужи́вшия/ и во дни гоне́ния безбо́жнаго жизнь свою́ за Христа́ положи́вшия./ Те́мже к ним усе́рдно воззове́м:/ моли́те Ми́лостиваго Бо́га// спасти́ся душа́м на́шим.
Кондак, глас 3
Днесь святи́и земли́ на́шея/ с на́ми предстоя́т в Це́ркви и неви́димо за ны мо́лятся Бо́гу,/ да изба́вит нас от враг ви́димых и неви́димых,/ от неду́га и гла́да, и от вся́каго зла/ и спасе́т ду́ши на́ша.
Молитва
При́зри, Го́споди, с высоты́ святы́я Твоея́ на предстоя́щия лю́ди и приими́ благодаре́ние на́ше о Твои́х вели́ких благодея́ниих, я́же сотвори́л еси́ со отцы́ на́шими! Услы́ши нас, прославля́ющих И́мя Твое́ свято́е, я́ко благоволи́л еси́ просла́вити во святы́х избра́нныя Твоя́, пра́ведники дре́вния и му́ченики но́выя, и́хже земля́ на́ша произрасти́ла есть, я́ко благо́е прозябе́ние и плод кра́сный. О, преподо́бнии и пра́веднии земли́ Ке́меровския! Вы Го́спода Бо́га всем се́рдцем свои́м возлюби́сте и всеце́ло Ему́ угоди́сте! О, святи́и новому́ченицы земли́ на́шея! Вы во дни гоне́ния безбо́жнаго от сокро́вищниц душ ва́ших спаси́тельное испове́дание Правосла́вныя ве́ры изнесли́ есте́ и лю́дем ве́рным наста́вницы до́брии яви́лися есте́, ду́ши своя́ за Христа́ и дру́ги полага́юще. Ны́не у́бо к вам с любо́вию прибега́ем и мо́лимся: бу́дете небе́снии засту́пницы земно́му Оте́честву ва́шему, наставля́юще нас твори́ти во́лю Госпо́дню, во е́же преспева́ти и нам в ве́ре, благоче́стии и любви́ христиа́нстей, прославля́юще еди́нем се́рдцем и еди́неми усты́ Святу́ю, Единосу́щную, Животворя́щую и Неразде́льную Тро́ицу, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.
Прмчч. Белогорских: Варлаа́ма (Коноплева), Анто́ния (Арапова), Се́ргия (Вершинина), Илии́ (Попова), Вячесла́ва (Косожилина), Иоаса́фа (Сабанцева), Иоа́нна (Новоселова), Виссарио́на (Окулова), Михе́я (Подкорытова), Матфе́я (Банникова), Евфи́мия (Короткова), Варна́вы (Надеждина), Гермоге́на (Боярышнева), Арка́дия (Носкова), Евфи́мия (Шаршилова), Марке́лла (Шаврина), Иоа́нна (Ротнова), Се́ргия (Саматова), Дими́трия Созинова, Са́ввы Колмогорова, Иа́кова Старцева, Петра Рочева, Иа́кова Данилова, Алекса́ндра Арапова, Фео́дора Белкина, Алекси́я Короткова и Петра (1918);
священномученика Васи́лия Инфантьева, пресвитера (1918);
сщмчч. Леонида Бирюковича, Иоа́нна Никольского и Николая Доброумова, пресвитеров (1937).
