Яман шеште еңеү юлдарын эҙләйҙәр

Башҡорт дәүләт медицина университетының Урология һәм клиник онкология институты иммунология лабораторияһы ғалимдары яман шеште дауалауға ҡарашты үҙгәртеүсе молекуляр механизмдарҙы асыҡлаған. Тикшеренеүселәр холестерин алмашыныуы, макрофагаттар, простата яман шешен андроген стимуллаштырыу араһындағы бәйләнеште өйрәнә. Был тикшеренеүҙәрҙең һөҙөмтәләре простата яман шешендә холестерин алмашыныуына йоғонто яһаусы метаболик йүнәлешле терапевтик алымдар үҫешенең яңы перспективаларын аса. "Бөгөн кешенең шеше барлығын белеү генә етмәй. Шештең дауалауға нисек яуап бирәсәген аңлау мөһим. Молекуляр генетикаһыҙ шештең субтибын һәм уны дарыу препараттары менән дауалау перспективаларын билдәләмәйенсә хәҙерге онкологияны еңеү мөмкин түгел. Генетиканы һәм уның иммунологик статусын, шештең тирә-яҡ мөхитен аңлау — ҡатмарлы дауалау һәм молекуляр биологиялағы заманса ҡаҙаныштар һәр пациентҡа үҙ шәхси терапияһын һайларға ярҙам итәсәк», — тип аңлатты Рәсәй Фәндәр академияһы академигы, профессор, БДМУ ректоры Валентин Павлов. Икенсе төрлө әйткәндә, медицина ғалимдары простата яман шешен дауалауҙы артабан көйләргә ярҙам итәсәк яңы дауалау маҡсаттарын асыҡлай. Яңы белем кеше организмында матдәләр алмашыныуы модуляцияһына йоғонто яһаусы башҡа алымдарҙың уникаль перспективаларын аса. БДМУ ғалимдарының тикшеренеүҙәре «Шеш менән бәйле макрофагтар һәм простата яман шешендә кастрацияға ҡаршы тороусанлыҡты формалаштырыуҙа уларҙың роле» фәнни проекты һәм университеттың «Приоритет-2030» үҫеш программаһы сиктәрендә алып барыла. «Приоритет-2030» проекты ярҙамында заманса лабораториялар булдырыу мөмкинлеге бар. Әленән-әле лабораториялар университет нигеҙендә лә, шулай уҡ GMP стандарттарына нигеҙләнгән Интернациональ кампус нигеҙендә лә донъя кимәлендәге тикшеренеүҙәр өсөн юғары технологиялы заманса ҡорамалдар менән йыһазландырылған. Университет был йүнәлештә ҙур потенциалға эйә: БДМУ-ның үҙ клиник базаһы ҡиммәтле биологик материал тупларға һәм күләмле тикшеренеүҙәр үткәрергә мөмкинлек бирә», — тине медицина университеты етәксеһе. Простата шеше туҡымаһында макрофагтарҙың (сит йәки зарарлы киҫәксәләрҙе йотоуға һәм аш һеңдереүгә һәләтле күҙәнәктәр) функцияларын модуляциялау юлы менән холестерин алмашыныуының яһалма, дарыу менән үҙгәреү мөмкинлеге гормондарға бәйле яман шештәрҙе дауалауҙың һөҙөмтәле стратегияларын төҙөүҙең перспективалы йүнәлеше булып тора. «Беҙҙең тикшеренеүҙәр простата яман шешен дауалауҙың һөҙөмтәлерәк ысулдарын эшләүгә һәм онкоиммунологияла яңы офоҡтар асыуға этәргес бирер тип ышанабыҙ», — тип аңлатма бирҙе БДМУ-ның Урология һәм клиник онкология институтының иммунология лабораторияһы етәксеһе Ҡәҙрия Еникеева. Фото Башҡортостан Хөкүмәте сайтынан алынды.