Белорет дауаханаһы милли проект буйынса яңы автомобилдәр алды

“Һаулыҡ һаҡлау” милли проектының “Рәсәй Федерацияһының беренсел һаулыҡ һаҡлау звеноһын яңыртыу” федераль проекты ярҙамында Белорет үҙәк район дауаханаһы алты яңы “Лада Гранта” машинаһын алды. Был автомобилдәр аҙ хәрәкәт иткән пациенттарҙы йөрөтөү, табиптарҙың өйгә килеүе һәм клиник лабораторияға тикшереү өсөн биоматериалдарҙы ташыу өсөн файҙаланыласаҡ. Әлеге машиналар һауа торошон һәм спутник навигацияһын контролдә тотоу өсөн борт компьютеры менән йыһазландырылған. Бер автомобиль Сосновка ауыл биләмәһе амбулаторияһына юлланды, ҡалған бишәүһе ауыл табип амбулаториялары, шулай уҡ өлкәндәр һәм балалар поликлиникалары шарттарында өлкәндәрҙе һәм балаларҙы хеҙмәтләндерәсәк. 2024 йыл башында Белорет дауаханаһы өс автомобилгә эйә булғайны инде. Улар араһында - ике “Лада Гранта”һәм бер “Нива Тревал” автомобилдәре, былтыр иһә ете “Нива Тревал” автомобиле. Хәҙер Белорет район дауаханаһының автопаркы тулыһынса яңыртылды һәм медицина персоналына эшләргә, ҡалала һәм Белорет районында йәшәүселәргә медицина ярҙамы күрһәтергә уңайлыраҡ буласаҡ. “Рәсәй Федерацияһының беренсел һаулыҡ һаҡлау звеноһын яңыртыу” федераль проекты 2022 йылдан тормошҡа ашырыла, уның маҡсаты – пациенттар йәшәгән урын янында медицина ярҙамы күрһәтеүҙе ойоштороу. Билдәле булыуынса, “Һаулыҡ һаҡлау” (национальный проект “Здравоохранение”) милли проекты Рәсәй Президенты Владимир Путиндың май указы менән булдырылды. Фото: Белорет районы хакимиәте.