Башҡортостан Башлығы “Атай ҡаһарманлығы” йәмәғәт наградаһына лайыҡ булғандар менән осрашты

21 августа Шишмә районында Башҡортостан Башлығы Радий Хәбиров “Атай ҡаһарманлығы” йәмәғәт наградаһына лайыҡ булғандар менән осрашты. Осрашыу Рәсәй Геройы Максим Серафимов исемендәге “Патриот” хәрби-илһөйәрлек паркы майҙансығында булды. “Атай ҡаһарманлығы” миҙалы 2020 йылдан Башҡортостандың Йәмәғәт палатаһы башланғысы менән төбәктәге Ғаилә сәйәсәте концепцияһына ярашлы тапшырыла. Проекттың маҡсаты - әхлаҡи йәһәттән дәртләндереү һәм балалар тәрбиәләгән, сәләмәт тормош алып барған, ғаилә ҡиммәттәрен һәм йолаларын һаҡлауға, яңынан ҡайтарыуға, йәмғиәттеге мөхитте яҡшыртыуға шарттар булдырған, муниципалитет һәм республика тормошонда әүҙем ҡатнашҡан атайҙарға бирелә. Биш йыл эсендә ҡатнашыу ваҡытында 1 020 ебәрелгән, 196 атай еңеүсе тип табылған. - Еңеү яулағандарҙы ысын күңелдән ҡотлайым. “Атай ҡаһарманлығы” конкурсының популяр була барыуы һөйөнөслө һәм күберәк ғариза бирәләр, - тине төбәк етәксеһе Радий Хәбиров. – Арағыҙҙа, ҡыҙғанысҡа ҡаршы, улдары махсус хәрби операцияла һәләк булған атайҙар бар. Һеҙгә иң изге хөрмәт, ҡайғы уртаҡлашыу, рәхмәт һүҙҙәрен әйткем килә. Әле улдары хәрби бурыстарҙы үтәгәндәр ҙә бар. Барыбыҙ ҙа улар өйҙәренә имен-һау ҡайтһын, тибеҙ. Һеҙ ысын улдар тәрбиәләгәнһегеҙ. Был, моғайын, иң төп мәсьәләлер. Башҡортостан Башлығы үҙе лә күп балалы атай икәнлеген әйтте һәм был миссияның мөһим икәнлеген аңлай. - Минән йыш ҡына балаларымды нисек тәрбиәләүем тураһында һорайҙар. Иң яҡшы тәрбиә - шәхсән миҫал, тип уйлайым. Үҙ хеҙмәтең, торошоң менән күпмелер ваҡыттан балаңдың буласаҡ образын формалаштыраһың, - тине республика етәксеһе. – Ҡыҙҙарҙы йәки улдарҙы тәрбиәләйбеҙме, мөһим түгел. Уларҙың яҡшы ғына түгел, үҙ иленең ысын гражданы һәм илһөйәре булыуы мөһим. Республика етәксеһе осрашыуҙа ҡатнашыусылар һорауҙарына яуап бирҙе. Өфө фән һәм технологиялар университетының янғын хәүефһеҙлеге кафедраһы мөдире, профессор, отставкалағы полковник Сергей Аксенов төбәк етәкселегенә Башҡортостандан махсус хәрбиә операцияллағы яугирҙәргә ярҙам өсөн рәхмт әйтте һәм егеттәрҙең тыныс тормошҡа адаптацияһынан һуң пландары менән ҡыҙыҡһынды. - Был мәсьәләне этап буйынса хәл итәбеҙ. Әле яраланғандан һуң инвалидлыҡ алғандар ҡайта. Уларҙы хәстәрлек һәм иғтибар менән уратып алырға тырышабыҙ, - тине Башҡортостан Башлығы Радий Хәбиров. – Төрлө хәлдәр менән бәйле Рәсәй Федерацияһы Хәрби Кәстәрендә хеҙмәтен тамамлағандар өйөнә ҡайта. Улар араһынан республика мәнфәғәте өсөн дәүләт хеҙмәтендә йәки вазифаларҙа эәшләргә әҙер йәки теләгән кешеләрҙе һайлап алабыҙ. Ошондай, ныҡлы әхлаҡи-көслө ихтыярлы егеттәргә таянасаҡбыҙ. Бынан тыш, “Геройҙар дәүере” президент кадрҙар программаһы бар. Уға ярашлы, дәүләт власы органдарында стажировкаға өс яҡташыбыҙ – майор Оскар Ситдиҡов һәм Рәсәйҙең Ике Геройы Степан Белов һәм Борис Дудко стажировка үтә. Иң мөһиме – беҙ еңәйек һәм барлыҡ егетттәр өйҙәренә ҡайтһын. Сығанаҡ, фото: glavarb.ru/rus/press_serv/novosti/182227.html