15-16 августа Борай ауылында "Мәҙәниәт" милли проекты сиктәрендә VIII "Йәйғор" республика балалар-үҫмерҙәр ижады конкурсы үтте. Борай районының бренд сараһына әүерелгән конкурс президенттың Мәҙәни башланғыстар фондынан грант алды һәм быйыл Өфөнөң 450 йыллығына арналды. Конкурста Башҡортостандың төрлө райондарынан, шулай уҡ Яңауыл, Нефтекама, Туймазы һәм Дүртөйлө ҡалаларынан 7-17 йәшлек ижади коллективтар һәм яңғыҙ башҡарыусылар ҡатнашты. Конкурстың беренсе көнөндә таланттарҙы конкурслы ҡарау, шулай уҡ йомғаҡ яһау һәм матбуғат конференцияһы үтте. Гала-концерт һәм ҡатнашыусыларҙы бүләкләү тантанаһы 16 августа Р.Ғәлиева исемендәге район мәҙәниәт йортонда үтте. Иглин районының "Ферия" хореография коллективы "Номерҙың сағыу режиссерлыҡ ҡарары өсөн" номинацияһында еңеүсе булды, ә "Алатор ҡалаҡсылары" өлгөлө һуҡма инструменттар ансамбле "Халыҡ традицияларын заманса уҡыған өсөн" Еңеүсе дипломына лайыҡ булды. "Конкурс еңеүселәрен һәм ҡатнашыусыларҙың барыһын да ҡотлайбыҙ! Беҙ улар менән ғорурланабыҙ һәм артабан да ижади уңыштар теләйбеҙ!, - тип билдәләнеләр Иглин районы хакимиәтендә. Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды. Фото: Иглин районы хакимиәте.