Найти тему
Башҡортостан гәзите

Ҡоръятмаҫтарҙың да заманса клубы бар!

Дәүләкән районының Ҡоръятмаҫ ауылы мәҙәниәт йортон йүнәтеү эштәре 2023 йылдың апрелендә башланып, йыл аҙағына ул әҙер ҙә була.Мәҙәниәт йортонда хәҙер иркен тамаша залы, музей, китапхана һәм түңәрәктәр өсөн бүлмәләр бар. Бер ҡыйыҡ аҫтында шулай уҡ яңы велосипед тренажерҙары һәм йүгереү юлы менән йыһазландырылған спорт залы, фельдшер-акушерлыҡ пункты ла урынлашҡан.Ижади коллектив халыҡты яңы саралар һәм концерттар менән ҡыуандыра. Яңы сәхнә кейемдәре алынған, юбилярҙарҙы хөрмәтләү йолаһы ла тергеҙелә. Клубта ойошторолған бөтә саралар ҙа халҡыбыҙҙың ғөрөф-ғәҙәттәрен һаҡлауға йүнәлтелгән."Мәҙәниәттең сиктәре юҡ. Ул кешеләрҙең гражданлығына, милләтенә, диненә ҡарамай, уларҙы берләштереп торған ҡорал", – тип билдәләгәйне Башҡортостан Башлығы 2021 йылдың майында үткән "АРТ-Ҡоролтай" мәҙәни форумында. Был фекер бөгөн дә көнүҙәк.Ҡоръятмаҫ ауыл клубында эштәр "Мәҙәниәт" милли проекты ярҙамында башҡарылған. Һуңғы биш йылда республикала бөтәһе 98 мәҙәниәт объекты төҙөлгән һәм капиталь ремонтланған. 2024 йылда тағы 15 объектта ошондай эштәр планлаштырыла. Сығанаҡ: Башҡортостан Башлығы хакимиәте төркөмө. #элек_хәҙер_Башҡортостан