Ерҙе ҡуртымға алыу ваҡыты кәмегән

Башҡортостандың Ер һәм мөлкәт мөнәсәбәттәре министрлығы "Башҡортостан Республикаһының бизнесы һәм инвестициялары" порталында эшҡыуарҙар араһында һорау алыу үткәрҙе. Тикшеренеү һөҙөмтәләре күрһәтеүенсә, сауҙалашыу аша ер участкаларын ҡуртымға алыу өсөн кәрәкле уртаса ваҡыт 14,2 процентҡа кәмегән. 2023 йылдың икенсе кварталында был процесс уртаса 31,06 көн дауам иткән, ә 2024 йылдың икенсе кварталында 26,63 көн. 2023 йылдың икенсе кварталында 23,47 көн һәм 2024 йылдың икенсе кварталында 23,57 көн сауҙа үткәрмәйенсә ер участкаһы алыу үҙгәрешһеҙ ҡалған. – Һорау алыуҙар ярҙамында ғариза биреүселәрҙең ҡәнәғәтлеген баһаларға, шулай уҡ эшҡыуарҙарға осраған төп ауырлыҡтарҙы билдәләргә һәм уларҙы хәл итеү өсөн саралар әҙерләргә мөмкин, – тип аңлатма бирҙе Ер һәм мөлкәт мөнәсәбәттәре министры Наталья Полянская. – Һорау алыуҙа ҡатнашыусылар һаны йылдан-йыл арта бара: уҙған йылдың авгусында улар 95-кә яҡын ине, ә быйыл 130 тирәһе. Бындай ҙур кимәлдәге һайлау объектив һөҙөмтәләргә килтерә. Был, үҙсиратында, сифатлы мониторинг өсөн кәрәк. Министр, шулай уҡ, төбәктә бизнес-маҡсаттар өсөн күсемһеҙ милек һәм ер участкалары тураһында сифатлы мәғлүмәттең 8,8 процентҡа артыуын билдәләне. Бындай баһа уҙған йылдың авгусында 4,43 булған һәм ул ағымдағы йылдың авгусында 4,82-гә тиклем күтәрелгән. Һорау алыу һөҙөмтәләре төбәктә майҙандарҙы ҡуртымға алыу процесын яҡшырта. Мәғлүмәттәр эшҡыуарҙарҙың ҡуртым хеҙмәттәре менән ҡәнәғәт булыу кимәлен күрһәтә. "Башҡортостан Республикаһының бизнесы һәм инвестициялары" порталында һорау алыуҙар даими үткәрелә һәм яҡшы кире бәйләнеш бирә. Саралар республикалағы "Бәләкәй һәм урта эшҡыуарлыҡ һәм шәхси эшҡыуарлыҡ башланғысына ярҙам" милли проекты (национальный проект "Малое и среднее предпринимательство и поддержка индивидуальной предпринимательской инициативы") сиктәрендә Рәсәй Президенты Владимир Путиндың май указдарына ярашлы тормошҡа ашырыла. Фото: Башҡортостан Республикаһы Хөкүмәтенең матбуғат хеҙмәтенән.