Бәлә һорап килмәй. Ауырлыҡҡа тарығанда башҡаларҙың ярҙам ҡулы һуҙа белеүендә лә сағыла кешелеклегебеҙ. Республикабыҙ халҡы ла Курскиҙа йәшәүселәрҙең ҡазаһына битараф ҡалманы. Һәр кем ҡулынан килгәнсә ярҙам итергә тырыша. 9 августың 20 сәғәттәге мәғлүмәттәренә ярашлы, Курск өлкәһе халҡы өсөн гуманитар ярҙам йыйыу пунктына 1170 килограмм әйбер йыйылған. 9 августа ғына “Нур” театры, Профсоздар федерацияһы, республика кардиоүҙәге, Өфөнөң ирекмәндәр ассоциацияһы, Өфөнөң Йәштәр эштәре буынса комитеты, Рәсәйҙең Ҡыҙыл Тәре ойошмалары һәм 17 айырым физик шәхестәр ярҙам килтергән. Йылы кейемдәр, мәктәп кәрәк-яраҡтары, түшәк, шәхси гигиена әйберҙәре, аҙыҡ-түлек – былар барыһы ла Курскиҙа зыян күреүселәргә оҙатыласаҡ. Фото: Башҡортостандың Йәштәр дәүләт комитеты.