10 август – Физкультурниктар көнө уңайынан төркөмөбөҙҙә сираттағы конкурсты иғлан иткәйнек. Республикабыҙҙың иң шәп, әүҙем, сос, үҙ эшен яратып башҡарған бер төркөм физик культура уҡытыусылары һәм тренерҙары “БАТЫРҘАР. КӨСЛӨЛӘР. ЕТЕҘҘӘР” конкурсында көс һынашты. Бөгөн иң күп тауыш йыйған өс еңеүсе асыҡланды. Шулай итеп: I урын – Иглин районынан Илназ Таһиров; II урын – Краснокама районынан Вера Исмәғилева; III урын – Мәләүез ҡалаһынан Айнур Хисаметдинов. Еңеүселәрҙе ихлас күңелдән ҡотлайбыҙ! Улар хаҡында "Башҡортостан" гәзите биттәрендә ҙур мәҡәлә донъя күрәсәк, еңеүселәр милли баҫманың дипломы менән бүләкләнәсәк. Конкурс һөҙөмтәләрен ошо һылтанма аша инеп ҡарай алаһығыҙ: https://vk.com/app7198399_-104965500#poll66ab43524941.. Конкурста ҡатнашыусыларға, улар өсөн “көйгән”, дәртләндереп, тауыш биргән һәр төркөмдәшебеҙгә ҙур рәхмәт әйтәбеҙ. Киләсәктә лә бергә булайыҡ, берҙәм булайыҡ, дуҫтар!