Туристар төркөмө Магнитогорскиҙан Белорет районында Кесе Ямантау тауына күтәрелгән. Тауҙан төшөп барғанда айыуҙы күреп ҡалалар. Туристар ҡурҡып, Инйәр йылғаһы кисеүенән икенсе ярға сығырға ҡарар итә, әммә көслө ямғырҙар арҡаһында йылғала һыу кимәле күтәрелгән, ағым бик көслө була һәм улар ҡамауҙа ҡала. Үҙҙәрен хәүеф аҫтына ҡуймаҫҡа ҡарар итеп, йәштәр ашығыс хеҙмәттәргә ярҙам һорап мөрәжәғәт итә. Ҡотҡарыусылар урынға юғары үтеү ҡеүәте булған йөк автомобилендә килә. Улар туристарҙы катамаранда икенсе ярға сығара һәм автомобилдә Рәүәт станцияһына тиклем алып килә. Медицина ярҙамы бер кемгә лә талап ителмәгән. Фотоо: https://t.me/rb_russia/20261.