Ауыл хужалығы һәм төҙөлөш өсөн көкөрттән инновацион препараттар уйлап табыла

“Сәнәғәт, ауыл хужалығы һәм медицина өсөн яңы функциональ материалдар дизайны” йәштәр лабораторияһы командаһы УУНтТ вуздар кампусының ауыл хужалығы һәм төҙөлөш өсөн көкөрт нанокиҫәктәре нигеҙендә юғары һөҙөмтәле препараттар эшләй. Был өлкәлә фронтир тикшеренеүҙәрен Өфө университеты ғалимдары бер нисә йыл дауамында алып бара. "Сульфитек-Агро" көкөрт нанокиҫәктәре нигеҙендә үҫемлектәрҙең үҫешен экологик яҡтан хәүефһеҙ универсаль стимуляторы. Препарат шулай уҡ бәшмәк ауырыуҙарынан һәм талпандарҙан һаҡланыу өсөн ҡулланыла, төрлө стадияла туҡланыуҙы оптималләштерә. Асыҡ һәм һаҡланған тупраҡтағы бөтә культуралар өсөн оҙайлы тәьҫир итә. Препаратты ҡулланыу принцибы бик ябай: өлөшсәләрҙең наноүлсәме көкөрттө сәсеү башланғанға тиклем йәки әүҙем үҫеш осоронда бәләкәй концентрацияла ҡулланырға мөмкинлек бирә. - Бөгөн беҙ Рәсәй баҙарына әүҙем сығабыҙ, - ти Йәштәр лабораторияһының ғилми хеҙмәткәре, Өфө дәүләт нефть техник университетының өлкән уҡытыусыһы Булат Әхмәтшин. - Өлгәшелгәндәрҙә туҡталырға йыйынмайбыҙ, тикшеренеү базаһы һәм дәүләт ярҙамы арҡаһында беҙ Рәсәй ҡулланыусыһына кәрәкле продукттар булдырыу өҫтөндә эшләүҙе дауам итәбеҙ. Ауыл хужалығы өлкәһендә был кәрәкле компоненттарҙың һайлап алынған составы менән гранулланған ашламалар, медицина һәм ветеринария өсөн тышҡы ҡулланылыштағы бәшмәктәргә ҡаршы препараттар. Фото: Башҡортостан Хөкүмәте сайтынан