“Мәҙәниәт” милли проектының “Һанлы мәҙәниәт” төбәк проектын ғәмәлгә ашырыу һөҙөмтәһендә Тәтешле районының биләмә-ара үҙәк китапханаһында яҙыусы, кинорежиссер, актер һәм сценаристың тыуыуына 95 йыл тулыуға арналған “Василий Шукшин - актер, яҙыусы, режиссер” әҙәби сәғәте уҙғарылды. Педагогик хеҙмәт ветераны, рус теле һәм әҙәбиәте уҡытыусыһы Венера Закирова ҡунаҡтарға яҙыусының тормошо һәм ижады, Василий Шукшин тормошондағы иң мөһим ваҡиғалар, уның туғандары һәм яҡындары тураһында ентекле һәм мауыҡтырғыс итеп һөйләне. Шулай уҡ ул уның шәп итеп “ауыл прозаһын” яҙған яҙыусы ғына түгел, ә үҙенең һәм башҡаларҙың фильмдарында төшкән талантлы актёр һәм режиссёр булыуын иҫкә төшөрҙө. Хикәйәләү барышында Василий Макарович тормошта нисек булған: ғәҙел, дөрөҫлөк яратҡан, асыҡ – шундай ябай рус йәнен күҙ алдына килтергән сағыу слайдтар, фотоһүрәттәр күрһәтелде. Шукшин аҙ ғына ғүмер юлы үткән. Ләкин уның китаптары, фильмдары, ғәҙәти булмаған шәхесе элеккесә кешеләрҙе йәлеп итә. "Василий Шукшиндың ижады элеккесә уҡыусылар өсөн көнүҙәк. Автор кешенең эске донъяһын күрһәтергә ынтылды, әхлаҡлылыҡ, тәбиғәткә, тыуған йортҡа, әсәһенә һөйөү мәсьәләләренә иғтибарын йүнәлтте. Ул бөтә күңелен үҙ эшенә һалған. Уның ижады һәр кемгә аңлашыла, ул үҙенең ябай дөрөҫлөгө менән күңел ҡылдарын сиртә, беҙҙе яҡшыраҡ итә, Тыуған ил тураһында онотмаҫҡа һәм үҙ-үҙеңә тоғро булырға саҡыра”, – тип билдәләне Ауыл-ара үҙәк китапхананың баш китапханасыһы Альбина Әхмәтйәнова Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды. Фото: Тәтешле районы хакимиәте.