Урамдан китеп барған ваҡытында башына бизнес-идея килә...

Денис Фатихов Мәсетле районының Оло Ыҡтамаҡ ауылында йәшәгән маҡсатлы һәм эшһөйәр егет. Бер ваҡыт ул хужалыҡта ҡулланыла торған бирсәткәнең ерҙә ятҡанын күреп ҡала. Был табыш уны үҙ аллы бирсәткәләр тегеп ҡарау уйына килтерә. Мәсетле районында бындай йүнәлеш менән шөғөлләнгән производство булмаған. Денис Фатихов тәьмин итеүселәр һәм предприятиелар менән аралаша башлай, ә һуңынан ҡытай етештереүселәренән үҙенең беренсе станогын һатып ала. Үҙенең йорто ихатаһында ул бәләкәй генә бүлмә йыһазландыра. Бирсәткәләрҙе төндә, эштән һуң тегергә өйрәнә. Әммә бер станок менән бизнесҡа инеп китеү ауыр була, шуға күрә Денис тағы ла станоктар һәм өҫтәмә ҡорамалдар һатып алырға ҡарар итә. Тәүҙә йәш эшҡыуар Мәсетле районы хакимиәтенә мөрәжәғәт итә. “Эшҡыуарлыҡ сәғәте”ндә уның идеяһы хуплана, ярҙам алыу тураһында кәңәштәр бирелә. Социаль контракт нигеҙендә адреслы социаль ярҙам программаһы ярҙамында Денис Фатихов 350 мең һум аҡса ала. Быға ул тағы бер тегеү станогын һәм уның запас частарын һатып ала. Хәҙер уның продукцияһына күрше төбәктәрҙәге эре сәнәғәт предприятиелары, төҙөлөш магазиндары, пилорамалар һәм автомагазиндар заказ бирә. Эшҡыуарҙың киләсәккә пландары ҙур. Ул яңы эш урындары менән ҙур предприятие булдырырға, ҡышҡы варианттағы бирсәткәләр һәм латекс изделиелар етештерә башларға теләй. Мәсетле районы эшҡыуарҙары ярҙам һорап хакимиәткә мөрәжәғәт итә ала. “Эшҡыуарлыҡ сәғәттәре”н аҙна һайын үткәрелә. Ҡатнашыуға ғаризаны https://investrb.ru/ һылтанмаһы аша Башҡортостан Республикаһының Инвестиция порталы аша бирергә йәки (34770) 20306, 20065 телефоны буйынса шылтыратырға мөмкин. Фото: “Радий Хәбировтың бизнес менән аралашыу” төркөмө.