Башҡортостанда һәм Татарстанда иң популяр йырсыларҙың береһе Илһөйә Бәҙретдинова үҙенең "ИБ бандаһы" менән мәж килеп яңы миҙгелгә әҙерләнә. Был юлы тамашасыларҙы "Күрһәткем килә" тип аталған концерт программаһы көтә. Хәйер, программаһынан бер аҙ өҙөктәр менән социаль селтәрҙә таныштыра башланылар ҙа инде. Һәр ваҡыттағыса "ИБ бандаһы" халыҡты шаҡ ҡатырырға уйлай. "Яңы программаны төҙөп ултырам. Тәртипһеҙ килеп сыға... 30 номерға 15 күлдәк була. Күп кеүек... Береһен дә төшөрөп ҡалдырғы килмәй. "Күрһәтке килә бит... Нишләйем һуң?" - тип йырсы үҙе лә аптырап ҡалған. Тамашасылар ҙа үҙ фекерҙәрен ҡалдырған: "Нисек теләһәң, шулай төҙө программаны, береһен дә ҡалдырма, бөтәһен дә күрһәт, запасҡа әҙерлә бер нисә йыр, барыбер етмәй ҡала һине күреп тә, тыңлап та туйып булмай. Илһөйә, молодец, уңыштар һеҙгә!" "Маҡтансыҡ!" "Һәр ваҡыт һоҡланып ҡарап ултырырлыҡ булһын!" "30 номер өсөн 15 күлдәк аҙ әле, 30 күлдәк кәрәк! Билеттар алып ҡуйҙыҡ, көтәбеҙ!" Бына шулай йәй көндәрендә лә мәж килеп йырсылар яңы концерт миҙгелдәрен асырға йыйына. Әйткәндәй, Илһөйә Бәҙретдинованың концертына билеттар күптән һатыла башлаған. Фото һәм текст сығанағы: "Интертат"