Бит һәм тәнде тәрбиләү буйынса косметика продукцияһын етештереүсе “Фабрик Продакшн” компанияһы “Хеҙмәт етештереүсәнлеге” милли проектында ҡатнашып, (национальный проект “Производительность труда”) һаҡсыл ысулдар индереүҙе үҙ итте. Был турала төбәктең компетенциялар үҙәге хәбәр итә. “Компания Өфөлә тулы цикл производствоһын булдырҙы – продукция эшләүҙән алып ҡапты дизайнлауға тиклем эш башҡарыла. Был әйберҙәр Рәсәйҙең 191 ҡалаһында тәҡдим ителә. Уның дөйөм ассортименты 300-ҙән ашыу тауар позицияһын тәшкил итә. Һаҡсыл производство ысулы ярҙамында предприятиела процестар ваҡытын кәметергә һәм сығымдарҙы юҡ итергә мөмкинлек асыла”, - ти Республиканың иҡтисади үҫеш һәи инвестиция сәйәсәте министры Рөстәм Моратов. Предприятиела пилот эше итеп тоҙло скрабтар етештерелә. Һаҡсыл технологиялар ярҙамында процестар күҙәтелә. Сығымдарҙы анализлау һөҙөмтәләре буйынса биналарға ҡабаттан планировка уҙғарыу ниәтләнә, яңы производство линияһын булдырыу планлаштырыла. “Хеҙмәт атештереүсәнлеге” милли проекты илдә хеҙмәт етештереүсәнлегенең йыллыҡ үҫешен биш процентҡа артырыу өсөн шарттар тыуҙырыуҙы маҡсат итеп ҡуя. Был саралар ил Президенты Владимир Путиндың май указдарын тормошҡа ашырырға булышлыҡ итә. Фото: Башҡортостан Хөкүмәтенән.