Құран жаттау - ұлы әрі ұзақ жол. Алайда, Алла Тағала осы жолда мақсатқа жету үшін түрлі көмекші беріп қояды. Осы туралы ғұлама Айман Суейд былай дейді.
Құран жаттау құралдары:
- Көзбен қарау (визуалды қарау).
- Ауыз (айту)
- Құлақ (тыңдау)
- Қол (жазу)
Ал, жаттаған сүрелер ұзақ есте қалу үшін, келесі негіздерге сүйену керек:
1.Нақты шешім қабылдау. Жігер
Кімде Құран жаттауға деген жігер болмайды, ол адам қатты қиналады. Тіпті, тастап кетуі ғажап емес. Адамды 10 жыл бойы Құран жаттауға мәжбүрлесеңіз де, ол жаттамайды. Адамның өзінде іштей талпыныс болу керек. Қалауы болуы шарт.
Өзіңізде де, өзгеде де жігердің болуын қадағалау керек.
Және әр адамның есте сақтау қабілеті әр түрлі. Алла ешкімді қинамайды. Сол үшін, табандылық танытуға көңіл бөліңіз. Ал, шынымен ішкі қалауыңыз болмаса, өзіңізді қинаудың қажеті жоқ. (Ғұлама негізі мысалға баланы келтірген, бірақ, үлкендерге де қатысты кеңес).
2.Дұға - Алладан сұрау
3.Жаттау барысындағы зейін
Жаттау барысында адам өзге ештеңені ойламау керек. Тек қана Құран жаттауға көңіл бөлу керек.
4.Қайталау
Бұл негіз болмаса - адам Құран жаттай алмайды. Әр адамда қайталау әр түрлі болады. Бір адамдар 7-8 рет қайталап, жаттап алса, бір адамдар 20 рет қайталауы керек.
5.Жаттаған сүрелерге оралу
Бұл негізді ұстанбаса адамдар Құранды мүлдем ұмытып қалады. Егер, біз жаттаған сүрелерге қайтып отырмасақ, мидағы ақпарат жоғалады.
Алла Тағала барша Құран жаттаушыларға жеңілдік берсін!
Жаттауға көмектесетін практикалық тренажер туралы білу үшін инстаграм парақшамызға тіркеліп алыңыз!