Бөгөн Тәбиғәт-әсә Татарстан халҡын ныҡлыҡҡа һынаны. Күрше республикала ҡоторған ғәрәсәт ваҡытында Ҡазанда көслө ямғыр, боҙборсаҡ яуып, ҡала урамдарында сыйҙым аҡҡан. Татарстанда апокалипсистың барлыҡ төрҙәре лә булған: дауыл һәм боҙборсаҡтан һуң төбәккә дауыл ябырылған. Ғәрәсәт Түбәнге Каманың Бегишев аэропортында самолеттарҙы туҙҙырған. Күршеләрҙәге ғәрәсәт Башҡортостанға ла тейеүе ихтимал тигән фараз бар. Алдағы тәүлектә Башҡортостанда ла ҡыҫҡа ваҡытлы ямғыр яуыуы, төньяҡ һәм көнбайыш райондарҙа урыны менән йәшен йәшнәүе фаразлана. Ел тиҙлеге секундына 18 метрға тиклем етә. Һауа температураһы төндә +13, +18 градус, көндөҙ +22, +27 градус булыуы көтөлә. Көслө ел иҫкәндә йыуан ботаҡтар ҙә бөгөлә, олондар тирбәлә, ауыл-ҡалаларҙа реклама щиттары ныҡ "уйнай". Өйҙәрҙең стеналары янында елдән йәшеренергә ярамай, сөнки ҡыйыҡтарҙан һәм балкондарҙан шифер һәм башҡа әйберҙәр төшөүе ихтимал. Машиналарҙы еңел конструкциялар һәм ағастар янына ҡуймағыҙ. Ел-дауыл, йәшен, көслө ямғыр ваҡытында өйҙән сыҡмау яҡшыраҡ. Үҙегеҙҙе һәм яҡындарығыҙҙы һаҡлағыҙ! Фото: скриншот.