Барлығыңызға Алланың сәлемі болсын!
Араб тілін бастаған кезде, адамдар көбіне бірдей қателіктерді қайталайды. Соларға жеке тоқталуды жөн көрдік.
1. Араб тілі мен тәжуид ғылымын шатастырады.
Тәжуид ғылымы Құранды дұрыс оқу үшін қолданылады. Ал, араб тілі ғылымы арабтардың тілін түсіну үшін оқытылады.
- Тәжуидте Құрандағы ережелер, әр әріптің дұрыс оқылуы қадағаланады.
- Араб тілін оқу барысында сіз сөздерді түсініп, өзіңіз сөйлей бастайсыз.
2. Араб тілін оқудағы мақсаттың айқын болмауы
Шәкірт оқу барысында "сөйлеп үйренгім келеді дейді", бірақ, ақиқатында ол Құранды түсіну үшін оқығысы келеді.
Араб тілін оқудағы мақсат түрлері:
1. Құранды, хадистерді, ғұламалардың айтқанын түсіну үшін. Бұл жағдайда Құран тілін (арабтар оны фусха деп айтады) оқу қажет. Құран тілі - Құран түскен кезде қолданылған таза араб тілі.
2. Араб елдеріне бару үшін. Бұл жағдайда диалект оқу маңызды. Диалект - қай араб еліне барасыз, соған байланысты бөлінеді. Диалект тілдері - Ислам діні кеңінен таралған кезде әр түрлі ұлттардың бірігуі арқылы дамыған тілдер. Жалпы араб тілінде 14 диалект бар делінеді. Бұл үлкен топтағы диалектілер.
3. Араб тілін бірден грамматиканы оқумен бастап кету
Шәкіртке бұл жол өте ауыр. Одан кейін араб тілін мүлдем оқығысы келмей қалады. Сол себепті, алдымен сөздік қорды көбейту керек.
4. Араб тілін өзге тілмен салыстырып оқу
Араб тілінің өзіндік ерекшеліктері көп. Оңнан солға қарай жазудың өзі шәкіртке үйреншікті емес. Грамматикалық, морфологиялық құрылымы мүлдем өзгеше. Алайда, оқи келе адам бұл тілге де үйреніп кетеді. Сабыр етіп, осы тілдің ерекшеліктерін бойға сіңіру керек.
5. Араб тілін оқудағы тұрақсыздық
Араб тілін күнделікті аз-аздан, үздіксіз оқу керек. Бұл процессті толық өз тіліндей меңгеріп кеткенше адам тоқтатпауы тиіс. Біресе уақыт тауып, біресе тастап кету - оқу жолын ұзартады.
6. Араб тілін қиын деп ойлау
Құран тілі - логикаға бағынатын тіл. Тек оны 5-6 айда игеріп аламын деп ойлаудың қажеті жоқ. Кез келген тілде еркін сөйлеу үшін жылдаған уақыттар кетеді. Дегенмен, бір жыл тұрақты көңіл бөлсеңіз, оқығаныңды түсінетіндей деңгейге жетуге болады. Қиын деп емес, қызық деп ойыңызды ауыстыруға кеңес беремін.
Араб тілін жәй ғана Аллаға тәуекел етіп, оқуды бастаңыз. Бұл - өте қызықты жол.
Біздің білім беру жүйесінде 1 жылдық араб тілін оқыту бағдарламасы бар. Толығырақ білу үшін инстаграм парақшамызға жазылыңыз!