Өфөләге “IBA чемпиондар төнө” турнирында ҡатнашыусылар үҙҙәренең көнәркәшселәреннең исем-шәрифтәрен белде. Шулай итеп, һөнәри бокс төнө 8 августа Башҡортостандың баш ҡалаһында була. Төп алышта республикабыҙҙан Артур Собханғолов (6-0, КО 4) Токио ҡалаһында үткәрелгән Олимпия уйындары, Венгрия чемпионы Галосом Роландом (6-0, КО 2) менән осраша. Был IBA (8 раунд) версияһы буйынса Европа чемпионы титулын яҡлау була. - Башҡортостанда балалар һәм үҫмерҙәр боксы үҫеше өсөн планлы рәүештә эш бара. Спорттың был сағыу төрө менән туғыҙ меңдән ашыу кеше шөғөлләнә. Республика спортсылары Рәсәй һәм халыҡ-ара ярыштарҙа яҡшы күрһәткестәргә өлгәшә. Өфөлә Бокс прогресы үҙәге төҙөлөшө дауам итә. Баш ҡалабыҙҙа “IBA чемпиондар төнө” турнирын ойоштороу Башҡортостанда бокстың популярлығының артыуы тураһында һөйләй. Сара юғары кимәлдә үтер тип ышанам, тип хәбәр итте республиканың спорт министры Руслан Хәбибов. “Өфө-Арена”ла Рәсәй һәм сит ил боксерҙарының ете сағыу ярышы була. Турнир “Матч-ТВ” телеканалында күрһәтелә. Сара Өфө ваҡыты менән 18.30 сәғәттә башлана. Быларҙың барыһы ла Рәсәй Президенты Владимир Путиндың май указдарына ярашлы барлыҡҡа килгән “Оҙон һәм әүҙем тормош” милли проекты (национальный проект “Долгая и активная жизнь”) бурыстарын тормошҡа ашырырға булышлыҡ итә. Айрат Нурмөхәмәтов фотоһы.