Рөстәм Нәбиев кәләшенең тыуған көнөнә нимә бүләк иткән?

Күптән түгел билдәле блогер Рөстәм Нәбиевтең кәләше Индира үҙенең тыуған көнөн билдәләне. Ошо айҡанлы бәхетле пар социаль селтәрҙәрҙә видео менән бүлешкән. Унан күренеүенсә, Рөстәм Индираның 30 йәшлек юбилейына Cartier брендынан балдаҡ бүләк иткән. Ҡатыны бындай бүләккә ныҡ ҡыуанған. – Әлегә ошолай ғына. Бик ҡыйбат та түгел. Һин күпкә ҙурыраҡ бүләккә лайыҡһың, – тип хис-тойғолары менән бүлешкән блогер. Рөстәм Нәбиев ошондай бүләк менән кәләшенә һөйөүен белдергән. Әйткәндәй, король ғаиләләре араһында Cartier биҙәүесе талап ителгән, кәрәкле бренд булып тора. Индира әйтеүенсә, ул хатта быға тиклем бындай балдаҡтарҙың ниндәйерәк булыуын да белмәгән. Фото: социаль селтәрҙәр.