Бала саҡтан техника менән ҡыҙыҡһына

Рәсәй Президенты Владимир Путиндың май указына ярашлы, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" милли проектының (национальный проект "Малое и среднее предпринимательство и поддержка индивидуальной предпринимательской инициативы") “Эшҡыуарлыҡ алып барыу шарттарын яҡшыртыу”, "Бәләкәй һәм урта эшҡыуарлыҡ субъекттарын йылдам үҫтереү” төбәк проекты буйынса урындарҙа үҙ эшен асҡан йүнселдәргә ҙур иғтибар бүленә. Тәтешле районы бизнес-шәрифе Елена Хәкимйәнова белдереүенсә, 2023 йылда Вадим Муллаяров “Эшҡыуарлыҡ сәғәте”нә үҙ автосервисын асыу буйынса проект менән мөрәжәғәт итә. Һөнәре буйынса Вадим – автомеханик. Ул баласаҡтан техника менән ҡыҙыҡһынған һәм ошо һөнәре буйынса тәжрибәһе лә бар. Туғандарының һәм дуҫтарының еңел автомобилдәрен ремонтлаған. “Эшҡыуарлыҡ сәғәте”ндә ҡатнашыусыға йәш эшҡыуарҙар өсөн республика конкурсында ҡатнашырға тәҡдим ителә. “Минең бизнес” үҙәгендә үҙ эшен асыусылар өсөн үткән онлайн–курстарҙа белемен камиллаштыра һәм конкурста ҡатнашырға теләк белдерә. Конкурста еңеп сыға һәм грант аҡсаһына автосервис өлкәһендә хеҙмәт күрһәтеү өсөн кәрәкле ҡорамалдар һатып ала, үҙ аҡсаһына автогараж төҙөп ултырта. Бөгөн Вадим Муллаяров махсус хәрби операция биләмәһендәге яугирҙәргә техника ебәреүҙә ярҙам күрһәтә. Әле ул “Нива” машинаһын ремонтлауға тотонған, яҡын арала гуманитар ярҙам менән техника яу яланына оҙатыласаҡ. Эшҡыуар ҡатыны менән ике бала тәрбиәләй, күптән түгел йәш ғаилә үҙ торлағын һатып алған. Ауыл йәштәренең ауылда ҡалыуы ҡыуаныслы. Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла. Билдәле булыуынса, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" милли проекты биш федераль проекттан тора: “Эшҡыуарлыҡты алып барыу шарттарын яҡшыртыу”, “Бәләкәй һәм урта эшҡыуарлыҡ субъекттарын финанс ресурстарға, шул иҫәптән ташламалы финанслауға йәлеп итеү юлдарын киңәйтеү”, “Бәләкәй һәм урта эшҡыуарлыҡ субъекттарын йылдам үҫтереү”, “Фермерҙарға ярҙам итеү системаһын булдырыу һәм ауыл кооперацияһын үҫтереү”, “Эшҡыуарлыҡты популярлаштырыу”. Фото: Радий Хәбировтың бизнес менән аралашыу төркөмөнән.