Татарстандың атҡаҙанған артисы, популяр йырсы Илһөйә Бәҙретдинова Күкмара яҡтарында туйҙа булып ҡайтҡан. “ИБ банда”һындағы бейеүсе егет Илфат Ғәзиев кәләш алған һәм уның туйы концерт кеүек үткән. "Банда" башлығы мәжлестә 30 мең һумға шампан шарабы һатып алып, йәштәрҙең ғаилә ҡаҙнаһын да байытып ебәргән. Ҡиммәтле эсемлекте бәпәй туйында асырға һүҙ ҡуйышҡандар. Йырсы йәш ғаиләгә матур теләктәрен еткерә. “Оҙаҡ йылдарҙан һуң “рәхмәт һиңә, атаһы, балаларыбыҙ өсөн”, “рәхмәт, әсәһе, мине ер йөҙөндәге бәхетле ир итә алғаның өсөн” тип әйтергә яҙһын. Бөгөнгөләй яратышып йәшәгеҙ. Үҙемдең традицияма ярашлы, һеҙгә һыуытҡыс бүләк итәм. Зәлиә (кәләш) баһалар тип уйлайым, сөнки ул - һәр бер йортта иң кәрәкле әйберҙәрҙең береһе. Ваҡытығыҙ булғанда, барып алырһығыҙ. Бәхет һеҙгә, балалар!” – ти ул. Йырсының шампан шарабын 30 мең һумға һатып алыуына бәйле тамада былай тигән: "Хөрмәтле дуҫтар! Ошо шешә арҡаһында август айында "ИБ банда" эш хаҡы ала алмаясаҡ!" - тип шаяртҡан. Әлбиттә, был шаяртыу ғына. Кем нимә генә тимәһен, Илһөйә Бөҙретдинова үҙенең бейеүселәрен дә, йырсыларын да ҡәҙерләй белә. Йәштәр бәхетле булһын! Фото һәм сығанаҡ: "Интертат".