Кисә Хәйбула районының үҙәге Аҡъярҙа райондың төп брендына әүерелгән - «Бөйөк дала» VI асыҡ республика башҡорт рок фестивале үтте. Быйыл фестиваль ваҡытһыҙ вафат булған легендар башҡарыусылар: «Дәрүиш» төркөмө солисы Дим Мәннән, «Рух» төркөмө солисы Ғәзинур Биктимеров, «Рух» төркөмө гитарасыһы һәм етәксеһе Ирек Атанов һәм аранжировкалаусы, барабансы Айтуған Акиловтың иҫтәлегенә арналған. Яҡташ йырсылар һәм музыканттарҙың рухына аят бағышланған, унда уларҙың яҡындары һәм туғандары, мәҙәниәт хеҙмәткәрҙәре, фестивалдең ҡунаҡтары һәм башҡалар ҡатнашҡан. «Бөйөк дала» рок-фестиваленә халыҡ күп йыйылған. Сәхнәнән бер-береһен алыштырған башҡорт рок төркөмдәре – Хәйбулла райоынан «Рух» һәм Й.Иҫәнбаев исемендәге Аҡъяр балалар сәнғәт мәктәбе ҡарамағындағы «Бөркөт» төркөмөнөң кесе һәм өлкән составы, «Урал» (Белорет), «ХамZа» (Ғафури районы), «Дәрүиш хан», «Nektoria» (Өфө), «20/35» (Ейәнсура районы) яңы йыр-моңдары яңғыраған. «Бөйөк дала» башҡорт рок-фестивале йәнә Хәйбулла ерендә киң ҡолас йә