Әлеге мәлдә госпиталдә беҙҙең республиканан 16 яугир дауалана. Башҡортостандың тулы хоҡуҡлы вәкиле Ришат Нурахман улы Халиҡов тәбрикләү һүҙе менән сығыш яһаны, республиканың төрлө райондарынан булған яугирҙәргә махсус хәрби операцияны үтәгәндәге батырлыҡтары өсөн рәхмәт белдерҙе. Осрашыу барышында хәрбиҙәр үҙҙәренең хеҙмәте тураһында һөйләне. Ришат Халиҡов менән госпиталь етәксеһе полковник Сергей Попов госпитәлдәге яугирҙәргә ярҙам мәсьәләләре тураһында кәңәшләште. Ришат Халиҡов шулай уҡ Башҡортостан Башлығы Радий Хәбировтың яраланған ягирҙәр янына Мәскәүгә килгән туған-тыумасалары өсөн Вәкиллектә урынлашыу фонды тураһындағы әмерен уҡып ишеттерҙе. Фото: Башҡортостан Республикаһының Рәсәй Федерацияһы Президенты ҡарамағындағы Тулы хоҡуҡлы вәкиллеге.