Башҡортостандың Ҡырмыҫҡалы районында туғыҙ йәшлек малайҙы эҙләйҙәр. Был хаҡта “Лиза Алерт Башҡортостан” эҙәрмәндәр отряды әүҙемселәре хәбәр итә. Ирекмәндәр әйтеүенсә, бала кисә Подлуб ауыл советындағы “Ветеран” коммерцияға ҡарамаған баҡсаһында юғалған. Уның ҡайҙа икәнлеге әлегәсә билдәһеҙ. Малайҙың билдәләре: буйы – 126 сантиметр самаһы, ҡаҡса кәүҙәле, ҡара сәсле һәм көрән күҙле. Күк футболка, күк трико һәм күк носки кейгән. “Лиза Алерт Башҡортостан” малайҙың ҡайҙалығы хаҡында ниндәй ҙә булһа мәғлүмәт булһа, 8 (800) 700-54-52 йәки 112 телефоны буйынса хәбәр итеүҙе һорай. Әүҙем ағзалар ирекмәндәргә ярҙам күрһәтеү кәрәклеген билдәләй. Фото: "Лиза Алерт".