Бөгөн Башҡортостан Хакимиәте етәксеһе Максим Забелинға 45 йәш тула. Забелин Максим Васильевич 1979 йылдың 17 июлендә Курск өлкәһе Суджан районы Гончаровка ауылында тыуған. С. Киров исемендәге Хәрби-медицина академияһын (Санкт-Петербург), Рәсәй Оборона министрлығының Табиптарҙы камиллаштырыу дәүләт институтының клиник ординатураһын, Рәсәй Федерацияһы Президенты ҡарамағындағы Рәсәй халыҡ хужалығы һәм дәүләт хеҙмәте академияһын тамамлаған. Медицина фәндәре докторы. Хеҙмәт эшмәкәрлеген 2003 йылда Рәсәй Оборона министрлығының Курск ҡалаһындағы авиабазаһының медицина хеҙмәте начальнигы булып башлай һәм артабан юғары һәм бик яуаплы вазифаларҙа эшләй. Ә инде 2018 йылдан Башҡортостан Республикаһының Һаулыҡ һаҡлау министрлығына етәкселек итә. 2021 йылда – Башҡортостан Республикаһы Хөкүмәте Премьер-министры урынбаҫары - Башҡортостан Республикаһы һаулыҡ һаҡлау министры, 2022 йылдан Башҡортостан Хакимиәте етәксеһе итеп тәғәйенләнә. Пирогов, генерал Шайморатов ордендары менән бүләкләнгән. Ул республикала 5,5 йыл эшләү ваҡытында үҙен һөҙөмтәле һәм бар йүнәлештәрҙә лә эшләй алған тәжрибәле етәксе итеп күрһәтә, хеҙмәттәштәре араһында ла абруй ҡаҙанған. Максим Васильевич спорт менән даими шөғөлләнә – йүгерә, хоккей, футбол, шахмат уйнарға ярата, төрлө спорт сараларында әүҙем ҡатнаша. Шуға ла уны республикабыҙҙа спортты яратҡан иң әүҙем етәкселәр иҫәбенә индерәләр. Максим Васильевичты тыуған көнө менән ихлас күңелдән ҡотлайбыҙ! Яуаплы һәм тынғыһыҙ эшендә уңыштар, яңы үрҙәр, һаулыҡ һәм ғаилә именлеге теләйбеҙ! Фото: https://t.me/rahmadinurov/2906