Япония һәм Швеция белгестәре, 100 йәштән олораҡ кешеләрҙең ҡанын тикшереп, оҙаҡ йәшәү серен асыҡлаған. 64 – 99 йәшлек 40 меңдән ашыу кешегә 35 йыл буйына медицина тикшереүе үткәрелгән. Һайлап алынғандар араһынан 1224 кеше 100 йәшкә тиклем йәшәгән. Әйткәндәй, уларҙың 85 проценты гүзәл зат вәкиле булған. Тикшереү һөҙөмтәләре күрһәтеүенсә, бер быуат ғүмер кисергәндәрҙә 60 йәштән глюкоза, креатинин һәм бәүел кислотаһы кимәленең түбәнерәк булыуы асыҡланған. Ғалимдар тағы АЛТ менән альбуминдан тыш, ҡандағы 12 биомаркерҙа 100 йәшкә тиклемге йәшәүҙең сере йәшеренеү ихтималлығын билдәләгән. Нәсих Хәлисов фотоһы.