15 июлдә Республика йортонда Башҡортостан Башлығы Радий Хәбиров Юл хәрәкәте хәүефһеҙлеген тәьмин итеү буйынса ведомство-ара комиссия кәңәшмәһен үткәрҙе. Сарала ҡатнашыусылар төбәк трассаларында юл-транспорт фажиғәләренең төп сәбәптәрен, шул иҫәптән федераль, муниципаль-ара һәм урындағы юлдарҙа аварияларҙы кәметеү буйынса саралар комплексын ҡараны. -Юлдарҙағы хәлдәр иғтибарҙы талап итә. Төбәктә юл-транспорт фажиғәләре кәмеһә лә, һәләк булыусылар һанының артыуы күҙәтелә, - тип билдәләне республика етәксеһе Радий Хәбиров. – Ошоноң менән бәйле республикала йәшәүселәрҙең хәүефһеҙлеген күтәреү буйынса тәү сираттағы саралар комплексын билдәләү мөһим. Был мәсьәләне планлы рәүештә хәл итәсәкбеҙ. Башҡортостан буйынса Эске эштәр министрлығының Юл хәрәкәте хәүефһеҙлеге дәүләт инспекцияһы идаралығы етәксеһе Владимир Севастьянов быйыл алты айҙа, былтырғы ошо уҡ осор менән сағыштырғанеда, юл-транспорт фажиғәләренең - 20 процентҡа, 1256 фажиғәгә тиклем кәмеүе тураһында хәбәр итте. Зыян күреүселәр һаны 18,5 процентҡа тиклем аҙайған, ә һәләк булыусылар һаны 22 процентҡа тиклем артҡан. Ошоноң менән бәйле Владимир Севастьянов транспорт сараһына идара итеү һәм һәләкәт осраҡтарын иҫкәртеүгә йүнәлтелгән өҫтәмә сараларҙы ҡабул итеүҙең көнүҙәк икәнлеген билдәләне. Дүртөйлө – Нефтекама һәм Өфө – Бөрө – Яңауыл трассалары участкаларын яңыртыу хәүефһеҙлекте күтәреүгә булышлыҡ иткән. Был эшкә 2022 йылда республика Башлығы ҡушыуы буйынса тотонғайнылар. Кәңәшмәлә юл-транспорт фажиғәләрендә зыян күргәндәргә “ашығыс медицина ярҙамы” эше тураһында ла һөйләштеләр. Бының өсөн Башҡортостандв 67 травматология үҙәге эше ойошторолған. Һаулыҡ һаҡлау мнистры Айрат Рәхмәтуллин ведомствоның приказдары менән үҙәктәргә яуаплылыҡ зоналары һәм пациенттарҙы маршруттар буйынса бүлеү билдәләнгәнлеге тураһында әйтте. Ведомство-ара комиссия эше буйынса Башҡортостан Башлығы Радий Хәбиров республика юлдарында хәүефһеҙлекте күтәреү буйынса өҫтәмә саралар ҡабул итергә ҡушты. Сығанаҡ, фото: glavarb.ru/rus/press_serv/novosti/180833.html