Հնդիկ միլիարդատեր, Reliance Industries դիվերսիֆիկացված կոնգլոմերատի հիմնադիր և համասեփականատեր Մուկեշ Ամբանին 300 միլիոնից մինչև 600 միլիոն դոլար է ծախսել որդու հարսանիքի վրա: Միջոցառման արժեքի մասին պաշտոնական տվյալներ չեն հաղորդվում, գրել է Коммерсант-ը։
29-ամյա Անանտ Ամբանիի հարսանիքը Encore Healthcare-ի ղեկավար Վիրեն Մերչանտի դստեր՝ 29-ամյա Ռադհիկա Մերչանտի հետ տեղի է ունեցել ուրբաթ օրը Մումբայում՝ հազարավոր հյուրերի հետ, որոնցից շատերը կրել են հնդկական լավագույն մոդելավորողների նմուշներ: Հրավիրված հայտնիների թվում էին Մեծ Բրիտանիայի նախկին վարչապետներ Բորիս Ջոնսոնը և Թոնի Բլերը, հեռուստահաղորդավարներ Քիմ և Քլոե Քարդաշյանները, ամերիկացի նախկին բռնցքամարտիկ Մայք Թայսոնը, ամերիկացի ըմբիշ և դերասան Ջոն Սինան և ամերիկացի երգիչ և երաժիշտ Նիք Ջոնասը, հայտնել է CNN-ը։
Համացանցում տարածվել են նաև Քարդաշյան քույրերի՝ ավանդական ինիական սարիներով կադրերը հարսանիքից։
Մարտին զույգի նշանադրության միջոցառումներից մեկում համերգ էր տեղի ունեցել ամերիկացի երգչուհի Ռիհաննայի մասնակցությամբ։ Ոչ պաշտոնական տվյալներով՝ այն արժեցել էր 150 մլն դոլար։ Նշանադրությանն այցելել էին Բիլ Գեյթսը, Մարկ Ցուկերբերգը և Իվանկա Թրամփը։
Մայիսին, որպես նշանադրության մի մաս, նավի վրա չորսօրյա նավարկություն էր տեղի ունեցել Ֆրանսիայի և Իտալիայի ափերի մոտ, որտեղ, ի թիվս այլոց, ելույթ էին ունեցել Backstreet Boys-ը, երգչուհի Քեթի Փերին և դիջեյ Դեյվիդ Գետտան:
Forbes-ի աշխարհի ամենահարուստ մարդկանց ցուցակում Մուկեշ Ամբանին 9-րդն է՝ 116 միլիարդ դոլարի կարողությամբ: Հարսնացուի հոր՝ Վիրեն Մերչանտի կարողությունը մոտ 100 մլն դոլար է, իսկ նրա Encore Healthcare ընկերության արժեքը՝ մոտ 2,5 մլրդ դոլար։
Նորություններին հետևեք մեր կայքում, ինչպես նաև Telegram-ում և YouTube-ում