Ниһайәт, Өфө үҙәгендә яңы йәйәүлеләр урамы барлыҡҡа киләсәк. Был турала бөгөн Хөкүмәттең аҙналыҡ кәңәшмәһендә Башҡортостан Башлығы Радий Хәбиров әйтте. Ул Хөкүмәт вице-премьеры Алан Марзаев менән Өфө ҡалаһы мэры Ратмир Мәүлиевкә Башҡортостан дәүләт медицина университеты етәкселеге менән һөйләшеүҙәр үткәрергә ҡушты. – Беҙҙә Театр урамы буйынса программа бар. Унда Башҡортостан дәүләт медицина университетының уҡыу корпусы һәм ятаҡтары. Бында йәйәүлеләр урамы эшләр өсөн берәй юл табырға тейешбеҙ. Был быйыл башҡарыла торған эш түгел. Әммә һөйләшеүҙәр һәм килешеүҙәр үткәреп ҡуйырға кәрәк. Проект, уның нисек булыры бар, – тине Радий Хәбиров. Фото: "Башинформ".