Өфөлә йәшәүсе ҡатын мутлашыусыларға 10 миллион һумдан ашыу аҡса күсергән. Хоҡуҡ һаҡлау органдары хеҙмәткәрҙәре булып күренгән аферистарға ышанып, эшҡыуар ҡатын ике фатирын һата, кредит ала һәм бурысҡа ала. Кисә Өфөнөң 7-се полиция бүлегенә 1982 йылда тыуған ҡатын мөрәжәғәт итте. Май уртаһында уға мессенджерҙан билдәһеҙ кешеләр шылтырата. Үҙҙәрен Федераль хәүефһеҙлек хеҙмәте (ФСБ) һәм Үҙәк Банк хеҙмәткәрҙәре итеп таныта. Уның иҫәптәге һаҡламын һәм фатирын һаҡлап ҡалыу һылтауы менән аферистар эшҡыуарҙы үҙ исемендәге мөлкәтен - ике торлағын һатырға, һуңынан 3,7 миллион һумдан ашыу кредит алырға, шулай уҡ таныштарынан йыйған 600 мең һумды икенсе иҫәпкә күсерергә күндерә. Ҡатын барлыҡ аҡсаны, һаҡлап ҡалыу маҡсатында хәүефһеҙ иҫәпкә һалам тип иҫәпләп, банкоматтар аша аферистарҙың иҫәбенә күсерә... Әлеге ваҡытта был осраҡ буйынса енәйәт эше ҡуҙғатылған. Республика Эке эштәр министрлығы иҫегеҙгә төшөрә: бер ҡасан да билдәһеҙ әҙәмдәрҙең талабы буйынса аҡса күсермәгеҙ! Әгәр һеҙгә хоҡуҡ һаҡлау органдары йәки башҡа ойошма хеҙмәткәрҙәре шылтыратып, аҡсағыҙ йәки мөлкәтегеҙ менән эш итеүҙе талап итһә, шунда уҡ трубканы һалығыҙ һәм был хаҡта полицияға хәбәр итегеҙ!