“Сигенеү юлдарын эҙләмәнем”

Махсус хәрби операция биләмәһенә эш сәфәре барышында яҡташ яугирҙәр менән әңгәмәләшкәндә уларҙың тыйнаҡлығы, ябайлығы, сабырлығы – шунда уҡ күҙгә ташланған сифаттар. Улар үҙҙәрен герой тип һанамай, бары тик ил именлеген һаҡлау ир-егеттең бурысы тип иҫәпләй һәм шуны лайыҡлы башҡара. Нефтекама егете Ринат (позывнойы – “Феррум”) 2022 йылдың сентябрендә өлөшләтә мобилизация буйынса хәрби хеҙмәткә саҡырыу ала. “Йәшермәйем, ҡалыу мөмкинлеге лә булды, әммә мин уны файҙаланманым, сигенеү юлдары эҙләмәнем”, – ти ул. Бөгөн “Феррум” уҡсы-санитар булып хеҙмәт итә, йәғни хәрби заданиелар үтәүҙән тыш, яуҙаштарына беренсе медицина ярҙамы күрһәтеү өсөн дә яуаплы. Улар Һарытау өлкәһендә әҙерлек үткәндән һуң махсус хәрби операция биләмәһенә юллана. Хәрби позицияларҙы – окоп, блиндаж, башҡа көнкүреш кәрәк-ярағын тулыһынса үҙ көстәре менән булдыралар. – Егеттәр менән ике йылға яҡын бергәбеҙ, туғандар кеүек булып бөттөк. Дуҫбыҙ, берҙәмбеҙ – хәрби шарттарҙа был ныҡ мөһим, – ти Нефтекама егете. Әле “Феррум”ға 37 йәш. Тыуған төйәгендә уны яратҡан кәләше, биш һәм ике йәшлек сабыйҙары өҙөлөп көтә. Яугир өс тапҡыр ҡыҫҡа ваҡытлы ялда булып килгән. – Яҡындар, балалар юҡһына, шуны аңлау күңелдә бер аҙ һағыш уята. Беҙгә бында ҡыйын тип әйтмәҫ инем, ҡалғандарға, көткәндәргә ауырыраҡ, минеңсә. Ҡапыл сыҡтыҡ та киттек, ә барлыҡ донъя мәшәҡәттәре улар иңенә ҡалды, шуға күрә яугир ҡатындары – үҙҙәре үк геройҙар, тип һанайым, – ти яугир. “Феррум” тылдың ҙур ярҙамын тойоуҙарын әйтте, бының өсөн етәкселеккә, ҡалалаштарына, бөтә Башҡортостан халҡына оло рәхмәт белдерҙе. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондара аша, “Минең документтарым” күп функциялы үҙәгенең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Авторы - В. УРАЗБАЕВ. Запорожье өлкәһе. Автор фотоһы.