"Иннопром" форумы барышында Евразия иҡтисад союзындағы (ЕИС) сәнәғәт кооперацияһы, уның мөмкинлектәре, перспективалары һәм алдынғы практикалары тураһында фекер алышыу булды. ЕИС биш илде берләштерә - Әрмәнстан, Беларусь, Ҡаҙағстан, Ҡырғыҙстан һәм Рәсәй. Майҙа ул 10 йыллығын билдәләне. Рәсәй Хөкүмәте рәйесе Михаил Мишустин һүҙҙәренсә, бөгөн был берләшмә "күп полярлы донъя формалашыуындағы бер полюс ролен үтәй". Башҡортостан ошондай кооперацияға ынтыла ла. ЕИС-та сәнәғәт кооперацияһы рейтингында республикабыҙ 4-се урынды биләй. Беҙҙе йөҙҙән ашыу ил менән хеҙмәттәшлек ептәре бәйләй. Бында төп партнерҙарыбыҙ, һис шикһеҙ, Беларусь, Ҡаҙағстан һәм Үзбәкстан. Улар менән уртаҡ эшлекле төркөмдәр уңышлы эшләй, эре проекттар бойомға ашырыла. Инвесторҙарҙы саҡырыу менән бер рәттән, беҙ билдәле бер йөкләмәләр ҙә алабыҙ. Бөтә нәмә лә бик етеҙ хәл ителә тора.Башҡортостанда биш ТОСЭР, 15 кластер бар, уларҙың күбеһе республика кимәленән сығып, бер нисә төбәкте үҫтереүҙә ҡатнаша, тиергә мөмкин. Коллегаларға Евразия иҡтисад союзында ҡатнашыусыларҙың дәүләт-ара кластерҙарын булдырыуҙы тәҡдим иттем. Башҡортостан бында беренсе булырға һәм мөмкин тиклем емешле эшләп, был башланғыстың перспективаһын һәм уңышын күрһәтергә әҙер. Евразия иҡтисад комиссияһының сәнәғәт һәм агросәнәғәт комплексы министры Гоар Барсегян беҙҙең идеяны хупланы, шуныһы мөһим. Алда эш күп, уның Башҡортостан иҡтисадын, партнерҙарыбыҙ иҡтисадын үҫтереүгә яңы этәргес биреренә иманым камил". Иҫегеҙгә төшөрәбеҙ: "Иннопром-2024" 8 - 11 июлдә Екатеринбургта бара. Уның төп темаһы "Технологик партнерлыҡ: киләсәк образын тыуҙырып" тип атала. Күргәҙмә эшендә Башҡортостан делегацияһы ла ҡатнаша. Ул республикабыҙҙың сәнәғәт һәм технологик мөмкинлектәре менән таныштыра, эшлекле һөйләшеүҙәр алып бара. Мәғлүмәт, фото: vk.com/agnazarov