Ауырғазы районының Сыуаш Ҡарамалы мәктәбен тамамлаусы ҡыҙҙар тантаналы сығарылыш кисәһенән баш тартып, махсус хәрби операцияла ҡатнашҡан яҡташ яугирҙәргә ярҙам итергә ҡарар иткән. Быйыл Сыуаш Ҡарамалы мәктәбе менән биш ҡыҙ – Анастасия Захарова, Елена Иванова, Анна Лазарева, Дарья Михайлова, Алена Филиппова хушлаша. Уҡыусылар ҡыш көнө үк сығарылыш кисәһен үткәрмәҫкә, ә аҡсаны изге эшкә, Еңеүҙе яҡынайтыуға өлөш индереүгә һалмаҡсы була. Уларҙың тәҡдимен ата-әсәләр ҙә, уҡытыусылар ҙа хуплай. Илһөйәр ҡыҙҙар туплаған аҡсаларын райондың ирекмәндәр штабына тапшырҙы. Афарин, ҡыҙҙар! Оло тормошҡа аяҡ баҫыу алдынан изге эштәр ҡылыуығыҙ өсөн һеҙгә ҙур рәхмәт! Уңыштар һеҙгә! Фото: https://vk.com/aur_vesti