Аквомәҙәниәт проекты әҙерләнә

Рәсәй Президенты Владимир Путиндың май указына ярашлы, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" милли проектының (национальный проект "Малое и среднее предпринимательство и поддержка индивидуальной предпринимательской инициативы") “Эшҡыуарлыҡ алып барыу шарттарын яҡшыртыу”, "Бәләкәй һәм урта эшҡыуарлыҡ субъекттарын йылдам үҫтереү” төбәк проекты буйынса урындарҙа үҙ эшен асҡан йүнселдәргә ҙур иғтибар бүленә. Салауат районы бизнес-шәрифе Илшат Хәсәнов белдереүенсә, Эдуард Шәрәфетдиновтың фермер хужалығы - Салауат районында тәүге күләмле аквамәҙәниәт проекты. 2020 йылда эшҡыуар Башҡортостандың төньяҡ-көнсығышында бассейн-канал балыҡсылыҡ хужалығын ойоштороу өсөн «Агростартап» программаһы буйынса грант алған. Бында бағыр балығының ике төрө - йәйғор һәм алтын бағыр балығы үрсетелә. Бының өсөн өс канал һәм балыҡ тотоу өсөн һыу ятҡылыҡтары төҙөлгән. Балыҡҡа экологик яҡтан таҙа аҙыҡ ашаталар, һәм ул саф шишмә һыуында тауар ауырлығына етә. Ике йыл инде бағыр селбәрәһе үрсетеү өсөн инкубатор эшләй. Продукция Өфө ресторандарында һәм магазиндарында, туристарҙа һорау менән ҡуллана. 2022 йылда район хакимиәте эшҡыуарға финанс ярҙам күрһәткән - субсидиялар биргән. Фермала балыҡ тоторға һәм уны урында әҙерләргә мөмкин. Туристар өсөн туҡталҡалар һәм гриль-йортло ял итеү урыны эшләнгән. Киләсәктә туристик йорттар, балыҡты инкубациялау һәм эшкәртеү буйынса цех төҙөү күҙаллана. «Лазя» бағыр фермаһы базаһында туристик кластер булдырыу туристар ағымын арттырыуға, экологияны һаҡлауға һәм райондың иҡтисади үҫешенә булышлыҡ итә. Аҙна һайын Салауат районы хакимиәтендә «Эшҡыуарлыҡ сәғәте» форматында эшҡыуарҙар менән осрашыуҙар ойошторола. Был бизнесҡа ярҙам итеүҙең бик уңайлы ҡоралы. Бөтә көнүҙәк мәғлүмәт Башҡортостан Республикаһының Эшҡыуарлыҡ һәм туризм буйынса министрлығы һәм Салауат районы хакимиәте сайтында урынлаштырылған. Был сараларҙың барыһы ла Рәсәй Президенты Владимир Путиндың май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла. Билдәле булыуынса, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" милли проекты биш федераль проекттан тора: “Эшҡыуарлыҡты алып барыу шарттарын яҡшыртыу”, “Бәләкәй һәм урта эшҡыуарлыҡ субъекттарын финанс ресурстарға, шул иҫәптән ташламалы финанслауға йәлеп итеү юлдарын киңәйтеү”, “Бәләкәй һәм урта эшҡыуарлыҡ субъекттарын йылдам үҫтереү”, “Фермерҙарға ярҙам итеү системаһын булдырыу һәм ауыл кооперацияһын үҫтереү”, “Эшҡыуарлыҡты популярлаштырыу”. Фото: Радий Хәбировтың бизнес менән аралашыу төркөмөнән.