Башҡортостан Республикаһы буйынса Эске эштәр министрлығының дежур бүлегенә 40 мутлашыу осрағы тураһында мәғлүмәт килгән. Уҙған тәүлектә республика халҡы мутлашыусыларға 18 миллион һумдан ашыу аҡса күсергән. Эске эштәр министрлығының Өфө ҡалаһы буйынса идаралығына 88 йәшлек ҡатын алданыуы тураһында ғариза биргән. Мәғлүм булыуынса, уның стационар телефонына билдәһеҙ номерҙан шылтыратҡандар. Билдәһеҙ кеше өлкән йәштәге ҡатынға ҡыҙының юл фажиғәһенә эләгеүе тураһында хәбәр иткән. Һөйләшеү барышында мутлашыусы уға хәлде яйға һалыу өсөн түләргә кәрәклегенә ышандыра. Пенсионерҙан 400 мең һум аҡса курьер килеп ала. Ошо уҡ мутлашыу тоҙағына 79 йәшлек пенсионер ҡатын да эләгә. Ҡыҙын ҡотҡарырға өмөтләнеп, курьерға 100 мең һум аҡса биргән. Рәсәй Эске эштәр министрлығының Йәрмәкәй районы буйынса бүлегенә консультация ойошмаһында эшләгән 39 йәшлек ҡатын үҙен алдауҙары тураһында ғариза яҙған. Ҡатын әйтеүенсә, уға телефон аша шылтыратып, банк хеҙмәткәре булып танышҡандар. Мутлашыусылар ҡатынға уның ис