Һуғыштың нимә икәнен ишетеп кенә түгел, ә үҙ башынан үткәргән

Бөгөн, 1 июлдә, Рәсәйҙә Хәрби хәрәкәттәр ветерандары көнө билдәләнә. Илһөйәрлек, батырлыҡ, сыҙамлыҡ, Ватанға һөйөү – бөтә хәрби хәрәкәттәр ветерандарын берләштерә. Ошондай мөһим датаны билдәләгән көндә Ғафури районының Красноусол ауылында Геройҙар аллеяһында хәрби хәрәкәттәр ветераны, Рәсәй Федерацияһы Геройы Андрей Мигуновтың исеме мәңгеләштерелде – бюст асыу тантанаһы үтте. “Скиф” позывнойлы яугирҙең иңендә – йөҙәрләгән хәрби хеҙмәт көнө һәм яуланған сиктәр, уның эшен дауам иткән йөҙләрләгән йәш егет. Ул Афғанстанды үткән хәрби хәрәкәттәр ветераны. Һуғыштың нимә икәнен ишетеп кенә түгел, ә үҙ башынан үткәргән, һуңынан оҙаҡ йылдар республиканың хәрби комиссариаты системаһында эшләй. Махсус операция барышында хәрби бурысын үтәгәндә күрһәткән батырлығы һәм ҡаһарманлығы өсөн подполковник Андрей Мигуновҡа үлгәндән һуң Рәсәй Геройы исеме бирелә. Башҡортостан Республикаһы ғаиләләребеҙҙе һәм Ватаныбыҙҙы батырлыҡ һәм фиҙакәрлек менән яҡлаған геройҙары менән ғорурлана. Андрей Мигунов кеүек илһөйәрҙәр ҡанаты аҫтында булған саҡта беҙҙе бер дошман да еңә алмаясаҡ. Уның исеме мәңгелеккә хәҙерге тарихҡа яҙыласаҡ. https://t.me/sagitovirek/7158