Банк иҫәбе тураһында мәғлүмәтте Рәсәй Федераль һалым хеҙмәтенең “Физик шәхестәр өсөн шәхси кабинет” интернет-сервисы ярҙамында алырға мөмкин. Был мәғлүмәттәр, тәү сиратта, асыҡ һәм ябыҡ банк иҫәптәрен үҙ аллы контролдә тотоу, эске аудит, тыныслыҡ өсөн кәрәк. Бынан тыш, дәүләт хеҙмәткәрҙәре килемдәр, сығымдар, мөлкәт һәм мөлкәт характерындағы йөкләмәләр тураһында белешмәләрҙе тултырғанда банк иҫәптәре тураһында мәғлүмәттең булыуы мөһим. Бының өсөн Шәхси кабинетта банк иҫәбе тураһында мәғлүмәтте электрон формала алыу өсөн мөрәжәғәт ебәрергә һәм уға квалификацияһыҙ электрон ҡултамғаһы менән ҡул ҡуйырға кәрәк. Ҡултамғаны “Профиль” бүлегендә бушлай алырға мөмкин. Мөрәжәғәтте түбәндәге юлдар менән ебәрергә мөмкин: Рәсәй Федераль һалым хеҙмәте сайтындағы Шәхси кабинетта – “Мөрәжәғәттәр каталогы”/ “Белешмә (документтар) алырға”; Шәхси кабинеттың мобиль версияһында – “Физик шәхестәрҙең һалымы” ҡушымтаһында – “Мәғлүмәт” бүлегендә/ “Банк иҫәптәре” йәки “Хеҙмәттәр” бүлегендә/ “Белешмә (документтар) алырға”. Шәхси кабинетҡа инеү ”Дәүләт хеҙмәттәре” порталы ҡулланыусыһының раҫланған иҫәп яҙмаһы ярҙамында йәки дәүләт һәм муниципаль хеҙмәттәр күрһәтеү буйынса Күп функциялы үҙәктең офисына йәки теләһә ниндәй һалым органына шәхесте раҫлаусы документ менән мөрәжәғәт итергә мөмкин. Банк иҫәптәре тураһында справка квалификациялы электрон ҡултамға менән раҫлана, йәғни ҡағыҙ документҡа тиң була. Унда банктарҙың атамалары, иҫәп номерҙары, уларҙы асыу/ябыу даталары, иҫәп төрҙәре сағылдырыласаҡ. Һалым органдарынан алынған банк иҫәптәре тураһында мәғлүмәттәрҙе файҙаланғанда, физик шәхестәрҙең иҫәптәре (һаҡламдары) тураһында мәғлүмәттәрҙе банктарҙың 2014 йылдың 1 июленән һалым органдарына тапшырыуын иҫәпкә алырға кәрәк. Физик шәхестәр тарафынан элек асылған банктарҙағы иҫәптәр тураһында мәғлүмәт (әгәр 2014 йылдың 1 июленән һуң бындай иҫәптәр ябылмаһа йәки улар буйынса үҙгәрештәр булмаһа) һалым органдарында юҡ. Шәхси кабинет мөмкинлектәре тураһында тулыраҡ мәғлүмәтте Рәсәй Федераль һалым хеҙмәтенең сайтында йәки 8-800-222-22-22 һандары буйынса Рәсәй Федераль һалым хеҙмәтенең Берҙәм контакт-үҙәге телефоны аша белергә мөмкин. Автор фотоһы.