Башҡортостанда станоктар эшләү өлкәһендә Росстандарттың һынау үҙәген булдырырға ниәтләйҙәр

Осрашыу йомғаҡтары буйынса төбәк Хөкүмәте һәм федераль власть органы хеҙмәттәшлек тураһында килешеүгә ҡул ҡуйҙы. Документты тормошҡа ашырыу Башҡортостанда продукцияның сифатын һынау өлкәһендә инфраструктура булдырыуға һәм уның конкурентлыҡ һәләтен арттырыуға булышлыҡ итәсәк. Хәтерегеҙгә төшөрәбеҙ, 2021 йылдың апрелендә Рәсәй сәнәғәт форумы сиктәрендә Радий Хәбиров һәм Антон Шалаев республикала стандартлаштырыу, метрология һәм һынауҙар үҙәге базаһында еңел сәнәғәт өлкәһендә аккредитацияланған лаборатория булдырыу кәрәклеген тикшерҙе. Ә 2023 йылдың мартында Өфөлә Волга буйы федераль округында еңел сәнәғәт продукцияһы өсөн беренсе Росстандарт һынау лабораторияһы эшләй башланы. - Башҡортостанда һәм еңел сәнәғәттә Росстандарттың ыңғай тәжрибәһенән файҙаланып, ҡатмарлыраҡ кимәлгә сығыу мөмкинлеге бар. Һүҙ станоктар эшләү буйынса һынау үҙәген булдырыу тураһында бара. «Производствоны үҫтереүҙә производство саралары» федераль проекты сиктәрендә Росстандарт ил биләмәһендә станоктар эшләү буйынса өс һынау үҙәген булдырыу буйынса проектты яҡланы, – тип хәбәр итте Антон Шалаев. - Беренсе төбәк - Башҡортостан. Бында станоктар эшләү кластеры үҫешә, станок ҡорамалдарын етди етештереүселәр бар. Проектты тормошҡа ашырыу өсөн Росстандарт өс йылға 800 миллион һум күләмендә финанслауҙы күҙ уңында тота. Башҡортостанда үҙәк булдырыу өсөн Өфө районында ла потенциаль майҙансыҡ һайланды. Һынау үҙәген 2026 йылда эшләтеп ебәреү планлаштырыла. - Беҙ, тәү сиратта, Ростех компаниялары менән, республикала станоктар эшләүҙе юғары кимәлгә күтәреү өҫтөндә эшләйбеҙ. Стәрлетамаҡ станоктар эшләү заводы үҙ ваҡытында Советтар Союзының да, Рәсәйҙең дә алдынғы станоктар эшләү предприятиеларының береһе була. Станоктар эшләү - юғары аныҡлыҡтағы изделиелар, юғары сифатлы материал һәм эшкәртеү менән ҡатмарлы тармаҡ. Уны үҫтереү өсөн төбәктә көслө һынау үҙәге булыуы мөһим, - тип билдәләне Башҡортостан Башлығы Радий Хәбиров. - Был республикабыҙҙа станоктар эшләүҙе үҫтерергә ярҙам итәсәк. Был глобаль һәм етди мәсьәлә. https://glavarb.ru/rus/press_serv/novosti/180591.html