"Өфө уттары" тапшырыуы көн һайын, дүшәмбенән йомаға тиклем, 20 сәғәт 10 минутта эфирға сыға.
Рәсәйҙә барлыҡҡа килгән матур байрамдарҙың береһе – Ғаилә, мөхәббәт һәм тоғролоҡ көнө. Беҙҙең илдә билдәләнеп килгән байрамдарҙан иң "йәше" лер, моғайын. Шуға ҡарамаҫтан, уның популярлығы йылдан-йыл арта бара. Башҡортостанда ла, шөкөр, өлгөлө, үрнәк булырлыҡ ғаиләләр бихисап. Шундайҙарҙың береһе – Өфөлә йәшәүсе Сәғәҙиевтар ғаиләһе. Баймаҡ егете Илгиз менән Бөрйән ҡыҙы Айгөл ике бала тәрбиәләй. Беренсе ҡарашҡа, ябай башҡорт ғаиләһе. Улдары Ибраһим һәм ҡыҙҙары Ынйыны дөрөҫ тәрбиәләргә, ихлас, изге күңелле, әммә көслө шәхес булырлыҡ итеп үҫтерергә тырышалар. Нисек? Ниндәй алымдар ҡуллана йәш ғаилә? Интернет аша танышҡан һәм артабан ныҡлы ғаиләгә әүерелгән йәштәр бөтә донъя селтәрендә блог алып бала. Төп герой – улдары Ибраһим. Уның нисек үҫеүе, ниндәй фекер йөрөтөүө, ата-әсәһенә, туғандарына ҡарата мөнәсәбәте, тирә-яҡтағыларға ҡарашы тураһында видеороликтарҙы донъяның күп илдәрендә ҡарап, күҙәтеп баралар. Һеҙҙе лә "Өфө уттары" тапшырыуының 9-сы июль сығарылышында Сәғәҙиевтар ғаиләһе менән таныштырабыҙ.
Смотрите видео
--------------------------
Присоединяйтесь к каналу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».