Найти тему
Հայաստանն այսօր

ՀՀ ՆԳՆ hայտնել է Տավուշում ու Լոռիում փակ ճանապարհների մասին

ՀՀ-ում մայիսի 26-ին ջրհեղեղից տուժած Տավուշի ու Լոռու մարզերում  միջպետական ​​Մ4 և Մ6 ավտոճանապարհների մի մասը ժամանակավոր փակ է, որոշ ճանապարհահատվածներում սահմանափակ է երթևեկությունը, հայտնել է ՀՀ ՆԳՆ Փրկարար ծառայությունը:

Գերատեսչության տվյալներով՝ Վանաձոր-Ալավերդի-Այրում-Բագրատաշեն ավտոճանապարհը երթևեկելի է միայն մարդատար ավտոմեքենաների համար։

Մասնավորապես՝

- Վարորդներին հորդորվում է դեպի Վրաստանի սահման ուղևորվելիս Մ-6-ը շրջանցել Մ-3 Մարգարա-Վանաձոր-Տաշիր-ՀՀ սահման և Մ-1 Երևան-Գյումրի-ՀՀ սահման միջպետական ավտոճանապարհներով», - ասված է հաղորդագրության մեջ։

- Մ-4, Երևան-Սևան-Իջևան-ՀՀ սահման ավտոճանապարհի Դիլիջանից մինչև Իջևան հատվածի որոշ տեղամասերում երթևեկությունը միակողմանի է։

- Խաշթառակ և Լուսահովիտ գյուղեր տանող կամուրջը երկկողմանի փակ է: Գործում է Իջևան-Լուսահովիտ-Խաշթառակ այլընտրանքային ավտոճանապարհը (գրունտային):

- Մ-6 ավտոճանապարհից Դսեղ գյուղ տանող ճանապարհահատվածը (կամրջի վերանորոգման պատճառով) փակ է, գործում է Եղեգնուտ-Դեբեդ-Դսեղ այլընտրանքային ավտոճանապարհը։

Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար, հաղորդել է գերատեսչությունը Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից։

Նորություններին հետևեք մեր կայքում, ինչպես նաև Telegram-ում և YouTube-ում