Бөгөн Архангел районына эш сәфәребеҙ мәлендә иң элек махсус хәрби операциялағы һалдаттарға ярҙам саралары менән таныштыҡ. Абҙан ауылында замандаштарыбыҙҙың маскировка селтәрҙәре үргәндәрен күреп сыҡтыҡ. Иртәнге сәғәттәр булыуға ҡарамаҫтан, халыҡ байтаҡ йыйылғайны. -Бында кеше өҙөлмәй ҙә. Береһе ҡайтып китһә, икенсеһе килә. Хатта төнгө сәғәт икегә тиклем дә маскировка селтәре үргән бар. Ялға ҡайтҡан яугирҙәр ҙә был селтәрҙәрҙең һаҡлау өсөн уларға бик кәрәк булыуҙары тураһында әйтә, - тип һөйләне һалдаттарыбыҙ ғүмеренә битараф булмағандар. Маскировка селтәре үреү буйынса эш быйыл март айында ғына башланһа ла, әле 17-сеһен үрәләр. Ағас эшенә оҫта Ғайса Шәрәфетдинов үреү станогын да, таҫма киҫеү ҡорамалын да эшләп биргән. Ололар ғына түгел, был изге эштә хатта мәктәп уҡыусыларының да ярҙам итә икән. Был турала гәзитебеҙҙә тулыраҡ уҡырһығыҙ. Автор фотолары.