Жыйылыу
Малкъар халкъны тукъумларыны къуралыуу «Бирлик» биригиуню иши тыйгъычсыз барырча мадарланы жалчыта байрым кюн, июнь айны 21 -де жыйылыуу ётгенди. Анда, жамауат биригиуню, къырал органла, жамауат къуралыула бла байламлыкъланы жюрютген бёлюмюнде ишни къалай къурап бардырыргъа амалла сюзюлгендиле. Жыйылыуну, биригиуню таматасы Сумайланы Ахмат ачып бардыргъанды. Бу бёлюмню ишине кёре боллукъду «Бирликни» къыйматлыгъы – деп белгилегенди ол.
Бёлюмге, Атаккуланы Руслан жууаплыда, Байсолтанланы Мухтар, Мусукаланы Сапар бла бирге. Бёлюмде дагъы да, юч эксперт совет барды, 31 – адам санында.
Эки сагъат бла артыкъ заманны ичинде, солургъа да чыкъмай, жыйылыуда кёп тюрлю соруула кётюрюлгендиле.
1. Элледе «Бирликни» бёлюмлерин къураргъа.
2. Бёлюмлени ишин къурап, соруула белгилеп, аланы жашауугъа сингдирип, айныулукъгъа чырмау этген тыйгъычланы кетерип, жамауатха не жаны бла да онгла бла амалланы, мадарланы женгиллендирирге.
3. Къырал органла бла къаршы байламлыкъда жер – жерледе, элледе къралда болгъан проектлеге, бизнесге башха тюрлю амаллагъа къошулурну мадарларын этерге.
Бёлюмню келечилери кёп тюрлю оюмла айтхандыла. Элледе, жер – жерледе жамауатны къыйынлыгъы кёп болгъаны, кемчиликле да айтылгъандыла. Алай, ол сорууланы сюзер ючюн бек алгъа ишни къурап, ким къайсы соруулагъа жууаплы болгъанын тохташтырып, къаршы заманны ичинде жыйылыуда, ыйыкъмы, эки ыйыкъмы ол болжалда, тюбешип аланы оноуун этерге белгилегендиле…