Баймаҡ районында Рәсәй Президентының май указы менән раҫланған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты буйынса (национальный проект “Малое и среднее предпринимательство и поддержка индивидуальной предпринимательской инициативы”) маҡсатлы эш алып барыла. Баймаҡ районынан йәш эшҡыуар Илназ Хәмитов ит һәм һөт йүнәлешендәге аттар үрсетеү менән шөғөлләнә. Элек ул атаһы менән бергә ауыл хужалығы менән шөғөлләнгән, хәҙер иһә үҙенең предприятиеһына етәкселек итә. -Мин ауылда тыуғанмын һәм ғүмерем буйы ошондамын. Атайымдың шәхси ярҙамсы хужалығы бар, уға бала саҡтан уҡ хужалыҡ буйынса ярҙам иттем, - ти Илназ. 2023 йылда яңы эш башлаған эшҡыуар үҙ эшен үҫтереүгә 4,9 миллион һумдан ашыу «Агростартап» гранты алған. Танышым «Агростартап» грантын алыу тәжрибәһе хаҡында һөйләне, һәм мин дә был тәжрибәне ҡулланып ҡарарға булдым. Еңелдән булманы, әлбиттә, йыл буйына әҙерләндем, грамоталы бизнес-план төҙөргә кәрәк ине, - тип дауам итә фермер. Грант аҡсаһына Илназ Хәмитов аттар, трактор, һауыу аппараты һәм электр көтөүсеһе һатып алған. Кәрәкле ҡорамалдарҙың бер өлөшөн фермер ҡуртымға ала. Эшҡыуар аҡтамыр һәм мал аҙығы өсөн һоло үҫтерә. Фермалағы эшкә ваҡытлыса ике хеҙмәткәр йәлеп итә. Быйыл бейәләр ҡолонлаған, һәм әле Илназ урындағы баҙарҙа продукция һатырға, һатыу нөктәләрен киңәйтергә ниәтләй. Бейә һөтөн ул эшкәртеүгә оҙатырға йыйына. Бөгөн хужалыҡта 33 ат иҫәпләнә. Шулай уҡ эшҡыуар мал иҫәбен киңәйтергә һәм етештереү күләмен арттырырға планлаштыра. Иҫегеҙгә төшөрәбеҙ, “Агростартап” программаһы “Бәләкәй һәм урта эшҡыуарлыҡ, һәм шәхси эшҡыуарлыҡ башланғысына булышлыҡ итеү” милли проекты сиктәрендә тормошҡа ашырыла. Был сараларҙың барыһы ла Рәсәй Президентының май указына ярашлы булдырылған “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү" (национальный проект "Малое и среднее предпринимательство и поддержка индивидуальной предпринимательской инициативы") милли проектына ярашлы атҡарыла. Автор фотоһы.