Саҡмағоштар йылдар дауамында һаҡланып килгән йолаға тоғро ҡалып, йыл һайын машина менән һауыу операторҙары һәм һыйыр малын яһалма аталандырыу техниктары конкурсын үткәрә. Быйыл ул “Заря” ауыл хужалығы етештереү кооперативының йәйләү базаһында үтте һәм малсылыҡ тармағы хеҙмәтсәндәре өсөн ысын байрамға әүерелде. Райондың бөтә хужалыҡтарынан белгестәр иң яҡшылар исеменә көрәште. Улар араһында күп йыллыҡ стажы булған хеҙмәткәрҙәр ҙә, йәш белгестәр ҙә бар ине. Саҡмағош районы хакимиәте башлығы Реканс Йәмәлиев сарала ҡатнашыусыларҙы сәләмләп, тармаҡ хеҙмәткәрҙәренә еңел булмаған хеҙмәте өсөн рәхмәт әйтте. – Уларҙы тырыш хеҙмәте һөҙөмтәһендә беҙҙең район тиҫтәләгән йылдар дауамында республикала һөт етештереү буйынса алдынғылыҡты һаҡлай. Был ауыл хужалығы тауарына һәр ваҡыт ихтыяж бар, шуға күрә күләмде арттырыу өҫтөндә эшләйбеҙ. Бының өсөн хужалыҡтарҙа мөмкинлектәре бар. Конкурсанттар заданиеларҙы оҫта һәм тиҙ үтәй. Теоретик өлөшөн үтәнеләр, шул иҫәптән һауыу аппаратын һүтеү-йыйыу һәм һыйырҙа