Ял итеп, һағыштарын баҫып, тағы ла алыҫ юлға сыҡтылар

Бөгөн “Өфө-Арена” алдындағы майҙанда хәрби хеҙмәткәрҙәрҙе махсус хәрби операция биләмәһенә оҙатыу тантанаһы үтте. Ике аҙналыҡ ялдан һуң, яугирҙәр илебеҙҙе яҡлау өсөн хәрби тормоштарына, Ватаныбыҙҙы һаҡларға юлланды. Махсус операцияла ҡатнашыусыларҙы оҙатырға туғандары, яҡындары килгәйне. Шулай уҡ яугирҙәрҙе Башҡортостан Республикаһы Хөкүмәте Премьер-министры урынбаҫары Ирек Сәғитов, Башҡортостан Республикаһы Хәрби комиссариатының баш белгес-эксперты, подполковник Дмитрий Смирнов, Башҡортостан Республикаһы Өфө ҡалаһының Совет районы хакимиәтенең мәғлүмәт-ойоштороу эштәре буйынса идаралығы начальнигы Фәнүр Ҡәйүмов тәбрикләне. Беҙҙең яугирҙәр хәҡиҡәт яҡлы һәм Рәсәйҙең иреклеге, традицион ҡиммәттәребеҙҙе һаҡлау өсөн көрәшә. Хәрби хеҙмәткәрҙәр дошманды еңеп, ғаиләләренә, тыуған яҡтарына иҫән-һау ҡайтһын. Егеттәребеҙ илебеҙ мәнфәғәттәрен яҡлағанда, уларҙың ғаиләләре яңғыҙ ҡалмаясаҡ. Һеҙ ҙә Ватан һағына баҫа алаһығыҙ. Бының өсөн контракт төҙөүгә ҡағылышлы һорауҙар менән берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: /vk.com/ufacenter