Янғын һүндереүселәргә һәм ҡотҡарыусыларға яңы техника!

18 июндә Өфөлә РФ граждандар оборонаһы, ғәҙәттән тыш хәлдәр һәм тәбиғәт афәттәре эҙемтәләрен бөтөрөү буйынса министр Александр Куренков менән Башҡортостан Башлығы Радий Хәбиров республиканың янғын һүндереүселәренә һәм ҡотҡарыусыларына 36 берәмек махсус техника тапшырҙы. Улар Өфө, Стәрлетамаҡ ҡалаларына, шулай уҡ Әбйәлил, Баймаҡ, Баҡалы, Белорет, Дыуан, Ишембай, Ҡырмыҫҡалы, Хәйбулла һәм башҡа райондарға юлланасаҡ.Әйткәндәй, 2024 йыл башынан Башҡортостанға 314,9 миллион һум тәшкил иткән илебеҙҙә етештерелгән 36 берәмек янғын һүндереү һәм авария-ҡотҡарыу техникаһы килтерелгән.Александр Куренков янғын һүндереүселәр һәм ҡотҡарыусылар коллективтарына намыҫлы хеҙмәте, республика етәкселегенә ауыл-ҡалаларҙың һәм тәбиғәт биләмәләренең янғын хәүефһеҙлеген тәьмин иткәне өсөн рәхмәт белдерҙе.Рәсәй Ғәҙәттән тыш хәлдәр министрлығы башлығы Александр Куренков һәм төбәк етәксеһе Радий Хәбиров Өфөнөң “Торатау” конгресс-холында ойошторолған техника күргәҙмәһен ҡараны.Төбәктең Ғәҙәттән тыш хәлдәр буйынса дәүләт комитеты рәйесе Кирилл Первов автономлы янғындарҙы иҫкәртеү ҡорамалдарының өлгөләрен күрһәтте. Бындай мини-сиреналар менән республиканың 1,5 миллион кешеһенең йорто йыһазландырылған. Тап уның ярҙамы менән 2016 йылдан алып янғындарҙа 1128 кеше, шул иҫәптән 432 бала ҡотҡарылған.Рәсәй Ғәҙәттән тыш хәлдәр министрлығы башлығы Александр Куренков республика хөкүмәте алып барған янғындарҙы иҫкәртеү буйынса эште ыңғай баһаланы.Башҡортостан Башлығы Радий Хәбиров республиканың ирекле янғын һүндереү хеҙмәтен үҫтереүгә лә ҙур иғтибар бүленеүен билдәләне. 2024 йылда бындай формированиелар 600-ҙән ашыу янғынды һүндереүҙә ҡатнашҡан.Фото: glavarb.ru