Башҡортостанда һөнәри белем биреү ойошмаларына уҡрырға инеү өсөн ҡабул итеү кампанияһы башланды. Быйыл абитуриенттар 200-ҙән ашыу белгеслек һәм һөнәр һайлай ала, улар хеҙмәт баҙары талаптарына һәм төбәк иҡтисадын үҫтереү перспективаларына тап килә. Колледжға уҡырға инеү өсөн төп дөйөм йәки урта дөйөм белем тураһында аттестат тапшырырға кәрәк. Документтар электрон төрҙә лә, шулай уҡ абитуриенттың ҡабул итеү комиссияһы ағзалары менән туранан-тура аралашыуы ваҡытында ла ҡабул ителә. Белем биреү ойошмаларында көндөҙгө бүлеккә ғаризалар 15 авгусҡаса ҡабул ителә, буш урындар булһа, ҡабул итеү 25 ноябргә тиклем оҙайтыла. Уҡырға инеүселәрҙән билдәле ижади һәләттәрен, физик һәм (йәки) психологик сифаттарын талап иткән һөнәрҙәр буйынса белем алыу өсөн уҡырға инеүселәрҙән ғаризалар 10 авгусҡа тиклем ҡабул ителә. Ҡабул итеү кампанияһының үҙенсәлектәре: 1. Башҡортостан Республикаһы колледждары талап ителгән һөнәрҙәр буйынса сифатлы белем һәм профессиональ әҙерлек бирә, заманса ҡорамалдарға һәм юғары квалификациялы уҡытыусылар составына эйә, был иһә белемдең юғары сифатын тәьмин итә; 2. Абитуриенттарға уҡыу программаһын уларҙың мәнфәғәттәренә һәм һәләттәренә тап килгән итеп һайлау мөмкинлеге бирелә; 3. Колледж студенттары теоретик белем генә түгел, уңышлы эшкә урынлашыу өсөн кәрәкле практик оҫталыҡ та ала; 4-се ҡабул итеү кампанияһы сиктәрендә асыҡ ишектәр көнө уҙғарыла һәм консультация пункттары эшләй, был абитуриенттарға бөтә кәрәкле мәғлүмәт алырға мөмкинлек бирә; 5. Колледжды тамамлаусылар БДИ тапшырмайынса юғары белем биреү ойошмаларында уҡыуын дауам итә ала. Сығанаҡ: https://pravitelstvorb.ru/news/24297/