27 июндә “Өфө-Арена” универсаль спорт һарайы алдындағы майҙанда хәрби хеҙмәткәрҙәрҙе махсус хәрби операция үткәреү биләмәһенә оҙатыу тантанаһы үтте. Ике аҙналыҡ отпускынан һуң, яугирҙәр илебеҙҙе яҡлау өсөн хәрби частарына юлланды. Туғандарынан һәм яҡындарынан тыш, махсус операцияла ҡатнашыусыларҙы оҙатыу сараһында Башҡортостан Республикаһы Хөкүмәте Премьер-министры урынбаҫары Ирек Сәғитов, Башҡортостан Республикаһы Хәрби комиссариатының баш белгес-эксперты подполковник Дмитрий Смирнов, Башҡортостан Республикаһы Өфө ҡалаһының Совет районы хакимиәтенең мәғлүмәт-ойоштороу эштәре буйынса идаралығы начальнигы Фәнүр Ҡәйүмов ҡатнашты. “Беҙ хәҡиҡәт яҡлы! Беҙ Рәсәй өсөн! Беҙ традицион ҡиммәттәребеҙ өсөн! Хәрби хеҙмәткәрҙәр Еңеү менән ғаиләләренә, тыуған яҡтарына тере һәм зыянһыҙ ҡайтһын. Яугирҙәребеҙ илебеҙ мәнфәғәттәрен яҡлағанда, уларҙың ғаиләләре хаҡында ҡайғыртасаҡбыҙ”, – тип белдерҙе оҙата килгән кешеләр. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: /vk.com/ufacenter?from=search