30 июндә Ағиҙел ярында республика Йәштәр көнөн байрам итеү ойошторола. Башҡортостан Республикаһының Йәштәр сәйәсәте буйынса дәүләт комитеты рәйесе Вито Сабиров һүҙҙәренсә, был байрам – йәштәрҙе берләштереүсе сара. - Йыл һайын был көн меңәрләгән әүҙем йәштәрҙе йыя. Әммә быйыл байрам бөтә быуындарҙы берләштерәсәк – ул ғаилә байрамы буласаҡ. Беҙ бай танып белеү һәм мәҙәни программа әҙерләйбеҙ, - ти Вито Сабиров. Ҡатнашыусыларҙы һәм ҡунаҡтарҙы бик күп тематик саралар һәм киңлектәр көтә. Мәҫәлән, граффити фестивале, унда талантлы урам рәссамдары үҙ эштәрен тәҡдим итәсәк. Балалар өсөн оҫталыҡ дәрестәре үткәреләсәк, ә «Студент яҙы» проектының төбәк командаһы иң яҡшы ижади номерҙар күрһәтәсәк. Шулай уҡ программала МХО яугирҙәренә ярҙам итеү зонаһы – беләҙектәр һәм маскировка селтәрҙәре үреү, шәмдәр эшләү, ҡорал һәм эҙләү хәрәкәте күргәҙмәһе, «Айыу ихатаһы» тарихи реконструкция клубы ойоштороласаҡ. Йәмәғәт туҡланыуы өлкәһендәге йәш эшҡыуарҙар ҡунаҡтар өсөн кофе һәм бургерҙар әҙерләү буйынса кулинар оҫталыҡ дәрестәре ойоштора. Ә үҫмерҙәрҙең хеҙмәт отрядтары вәкилдәре үҙ тауарҙары йәрминкәһен үткәрәсәк. Сараның хедлайнерҙары - популяр артистар: Inst Rinna, BABEKRISBABE, Lesha Mironov, Sunshine & Vostorg, VITA SAMURAI һәм ZAINETDIN. Уҙғарыу урыны: Ағиҙел йылғаһы буйында, Ватан этнопаркы янында. Сараға инеү ирекле. Башлана 17: 00 сәғәттә. Фото һәм мәғлүмәт: https://pravitelstvorb.ru/news/24305/